【救妻同學會】拍到要走火警 劉溫韾:我即刻除咗套恐龍衫

撰文:黃欣華
出版:更新:

由胡鴻鈞和劉佩玥主演的青春劇《救妻同學會》拍攝進行得如火如荼,一眾型男美女演員包括朱智賢、伍富橋、黃美棋、劉溫馨和蔚雨芯等都不時會在社交平台上載拍攝過程,實行寓工作於娛樂。但在昨天(5日),胡鴻鈞、劉溫馨和蔚雨芯等就分別在IG透露拍攝途中遇上火警,二十多名工作人員慌忙逃生。

成班後生仔女拍攝得相當愉快。(胡鴻鈞IG)
當時二十多人逃生。(劉溫馨IG)

劉溫馨接受《香港01》訪問時就透露嚇餐飽,她表示:「喺夜晚12點幾,我哋成班人喺新蒲崗一間工廠大廈拍攝,係我同蔚雨芯間房個景嚟。化緊妝嗰陣,我突然聞到煙味,開頭都不以為意,但之後再有兩個工作人員就發現勁大煙,再唔走就可能會有危險,所以我哋就拿拿臨執晒啲身家財產走火警。」

蔚雨芯透露當時自己在睡覺。(蔚雨芯IG)

當時身穿恐龍睡衣戲服的劉溫馨就笑言當時自己臨危不亂,馬上換回自己的衣服:「雖然嗰陣好驚,但我九秒九就換返套恐龍睡衣,因為我好驚如果樓下好大火,我呢件衫會好易燒着。我仲帶咗支礦泉水走,萬一好大煙都可以幫幫手。」

呢套恐龍衫都幾有份量。(愛訪者提供)

劉溫馨亦表示當時胡鴻鈞、朱智賢和蔚雨芯都在場。逃生過程中大家都好驚,但胡鴻鈞就不停叫大家冷靜:「胡鴻鈞好man,佢仲幫其中一個女演員拎袋走。雖然當時消防員叫我哋行另一條樓梯,但我哋又唔知另一條樓梯,情況好混亂,但胡鴻鈞都係咁叫我哋冷靜。雖然最後都搵唔到另一條樓梯,兜咗個圈又返咗原本嘅地方,但最後大家都無事,無人受傷最緊要。」

胡鴻鈞亦有IG報平安。(胡鴻鈞IG照片)

事後,劉溫馨就透露工作人員笑言是她身穿恐龍衫噴火而導致發生火警:「其實我上一次着恐龍衫等咗兩個鐘都拍唔到,今次又發生火警,可能件衫黑住我。但最緊要大家安全,聽講場火都熄咗啦。」

+5
你可能感興趣