苟芸慧正式被私有化 陸漢洋暗中聯繫親友安排古堡婚禮送驚喜

撰文:
最後更新日期:

現年35歲的女神苟芸慧 (Christine) 與45歲的陸漢洋 (William) 將於本月19號在香港擺喜酒,但原來兩人已於上月在加拿大舉行婚禮,並已經正式註冊結婚成為合法夫妻喇!William於上月18號在加拿大特地為Christine安排了一個神秘婚禮,邀請了Christine在多倫多的家人和舊同學參加,令Christine既驚喜又感動,絕對畢生難忘。William又親口承認與太太經已註冊結婚了。

苟姑娘好靚呀。

其實原本Christine是想趁結婚前回多倫多探望家人,因為她有些長輩未能來港出席婚禮,望此行讓長輩見見未來老公。於是William就偷偷地安排一個驚喜給太太,他知道Christine一直想在古堡行禮,故鎖定了於多倫多唯一一座古堡內舉行婚禮。他找了Christine的爸爸、弟弟,以及在加拿大認識超過二十年的舊同學Andrew及Tom幫手,先在當地安排,還有加拿大契姐Winnie由他落機開始陪着他去製造這個驚喜之旅。

好有仙氣呀!

在婚禮舉行期間,Christine最初仍忍得住唔喊,但當宣讀誓言時,終於忍不住,流下了幸福開心的眼淚。她說:「這是一個好溫馨的婚禮。我之前已經覺得佢古靈精怪,不過他一向都係咁,所以無理佢。婚禮舉行當日嘅早上,先知原來他將婚紗帶到多倫多,我仲以為只係去影結婚相,心諗呢個應該就係佢畀我嘅驚喜喇。之後我哋去到婚禮現場,先知道原來真係一個婚禮!當見到一啲接近十年無見過嘅長輩、朋友們專誠嚟出席,真係好開心,睇得出William真係花咗好多心機去籌備呢個婚禮。」

William呢個神秘婚禮令老婆好有驚喜。

而整個婚禮令她最感動是一刻,就是老公William在婚禮上獻唱《Nothing's gonna change my love for you》,她就與爸爸跳舞,一邊跳一邊見到爸爸熱淚盈眶,覺得爸爸真的可以放心將女兒交到William手上了。除了驚喜婚禮外,William亦為她做了很多不可能的任務。Christine說:「William唔識跳社交舞,之前就特別為咗我一齊去學,仲刻意着上皮鞋嚟練習。雖然佢跳起舞好似機械人,但佢為我放低咗平時愛型嘅性格,所以好難唔感受到佢嘅誠意。」

一對新人好sweet。

一齊睇下苟姑娘同William啲結婚靚相啦!

+6
+5
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。