【跳躍生命線】李靖筠出道4年做齊4間電視台:簽約最緊要講得清楚

撰文:
最後更新日期:

早前有傳獎門人曾志偉因為在ViuTV出鏡而遭無綫封殺,以致連無綫大騷《香港小姐競選》的司儀資格都被除名。其實香港電視圈的生態,的確存在著以電視台作為單位分配藝人位置和工作的默契,似有還無。惟最近熱播的無綫電視劇《跳躍生命線》中,觀眾們都被為劇中「木的地」的女員工River況晴嚇了一跳,心中充滿問號:「佢唔係Viu嘅咩?點解佢會喺TVB劇集出現?」飾演River的李靖筠(Gladys),原來是香港電視史上,第一位能夠在出道的短短4年即先後在ViuTV、奇妙電視(現名開電視)、TVB以及香港電台電視台出鏡的藝人!

其實Gladys亦活躍電影圈,最近亦有份參與由甄子丹主演的《大師兄》。(Instgram)

出道4年內為4間電視台拍劇

Gladys今次在《跳》劇的主要對手包括何廣沛、羅天宇以及張彥博,在之後的劇情中更會與張彥博有感情綫。但其實在《跳》劇開播之前,Gladys為ViuTV主持的《最熟悉的陌生人》才剛剛播完,頻道一轉,即在無綫看到她的作品。而另一個其實是,Gladys在2017年簽約無綫之前,她為奇妙電視拍攝的劇集《熱戀100天》亦剛剛播放完畢。Gladys於2014年出道任職模特兒,2016年起主力在ViuTV發展,因參與劇集《三一如三》飾演溫碧霞女兒而嶄露頭角。還有一個其實,是Gladys現在已與無綫完約。她接受《香港01》記者訪問時坦言:「其實我都唔知我經理人公司同其他單位點傾,但我知道一定要講清楚自己做過啲乜嘢作品,簽約之前講清楚自己有啲咩工作喺身,咁雙方又同意,就係咁。」

Gladys除了是一名模特兒和演員之外,音樂方面亦有一定造詣,更透露在《跳》劇中會展現自己音樂才華!(Instgram)

TVB像一間工廠

對於曾在短時間之內走訪三間免費電視台的Gladys來說,尤以TVB的感受最深:「因為TVB有好耐歷史,各方面都好有經驗,入到去做嘢真係好似去咗一間工廠咁,所有嘢都好熟練,但令我最唔習慣嘅都係佢一部劇入面有幾個導演,(哪間電視台最辛苦?)其實都無話邊間最辛苦,都係要睇劇本,如果嗰個劇係多外景嘅,一定會辛苦啲,所以無話邊個地方。」

(Instgram)

不停留,是不想被賦予演員以外的稱號

有言「良禽擇木而棲」,在ViuTV成名、拍過奇妙、參與個港台節目、最近更現身無綫台慶劇,問Gladys最想留咗哪個地方發展?豈料她竟然4間都不選:「其實我真係無計劃過要喺邊一間電視台工作,只要有好題材同好劇本我就會想做,因為我係一個演員,我唔想做TVB藝人,或者係ViuTV藝人,我唔希望被人定形。我思意唔係話做電視台嘅藝人唔好,只不過我年紀仲細,我好希望可以拍多啲唔同類型嘅作品。有時我會驚做開一類型嘅角色我就會長期都會做同一類型嘅嘢。」

(Instgram)

甘願做遊牧民族?

Gladys認為理想的演員生態是,演員們是跟著劇本去開工而非電視台,因為演員應該要有自己的選擇,但她亦不會否認有些演員會選擇以某一電視台作為歸宿:「可能佢哋想要多啲安全感,係我想試多啲嘢啫。(甘心做一個電視圈的遊牧民族?)呢個問題好難講,我而家唔能夠好肯定咁答實你我將來會唔會加入邊間電視台,但我持開放態度,始終各個電視台都有各自嘅優勝之處。」

Gladys有文青女神之稱點擊下圖逐格睇靚相:

+8
+8
+8


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。