【飛虎】吳卓羲被封「衝動王」:之前係導演叫我衝動㗎!

撰文:
最後更新日期:

由邵氏兄弟及優酷聯合出品的網劇《飛虎之雷霆極戰》今日(31日)舉行記者會,一眾劇中主要演員均有出席。吳卓羲形容自己今次的角色與上輯不同,是一個充滿好奇心的「問題少年」:「一個唔多鐘意開玩笑,所有嘢都好認真嘅一個人。好多時都會問Bosco『喂你喺邊度返嚟啊?』,好多啲好濕碎嘅問題要去滿足我嘅求知欲。」

吳卓羲稱如果演得太多衝動戲份會顯得好像小朋友一樣,今次終於能做個冷靜角色,擺脫衝動了。(黃國立攝)

由於卓羲以往拍過不少角色性格都衝動,被不少網民封做「衝動王」,卓羲笑稱不關自己事:「之前係佢(導演)叫我衝動㗎大佬,你唔好成日以為係我自己要演先得㗎!你話我衝動唔係我自己話演㗎嘛!係導演話『拿,你陣間場戲要衝動啲』,我話,吓?其實我自己想扭少少我覺得好似唔係幾好喎。」他稱自己與黃宗澤的角色在《飛虎1》經常會為了一些雞毛蒜皮的事情爭執,他們向導演反映後,今次卓羲不再衝動,做一個性格冷酷點的角色:「唔好好似小朋友咁成日推來推去,我同Bosco(黃宗澤)都有同導演傾過,可能佢綜合咗我哋嘅意見之後今次就唔同啲啦!」

吳卓羲和黃宗澤的角色性格與上輯相比大有不同,Bosco經常開玩笑,而卓羲則非常認真。(黃國立攝)

吳卓羲、黃宗澤和馬國明三位好兄弟再次合體,難免令人想起另外兩位好兄弟林峯和陳鍵峰,卓羲稱他已經有問過林峯,誰知他一口拒絕:「我又問過㗎啦!我話,其實你可唔可以...我都未問,佢就話『我無期。』可能佢之前睇到新聞我叫佢客串吓茶餐廳侍應啊、收銀啊、掃街啊,或者經過話『嘩!你做咩踩住我隻腳啊!』,我未講到呢句佢已經話無期啦,哈哈。」

開拍《飛虎2之四大名捕》? 吳卓羲叫林峯客串做掃街茂

【飛虎之潛行極戰】吳卓羲「當差」13年 重溫「衝動羲」魯莽史

吳卓羲說其實要合體也不一定只能規限在電視劇或電影,如果能一起拍廣告其實也不錯。(黃國立攝)

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。