【3日2夜】劉穎鏇呻土耳其旅程「好鹹又重口味」:預咗辛苦!

撰文:
最後更新日期:

呢3集《3日2夜》真係幾好睇,輕輕鬆鬆就睇完半粒鐘,仲時不時有搞笑位。(IG圖片)

過去3星期,《3日2夜》都是播放土耳其篇,昨晚(3/11)來到最後一集,回想整個旅程,劉穎鏇接受《香港01》訪問時直言很難忘:「成個Trip都好有趣和特別(Insteresting and Special),因為係我同江嘉敏第一次去土耳其,又係第三次一齊出trip做嘢,我哋可以去到平時去旅行未必識得去嘅地方。我哋發覺土耳其食嘢係好重口味,樣樣嘢都會好鹹、好酸、好甜。除咗食之外,我哋都有得揸個Dirt Bike,好好玩,因為係我第一次揸。我覺得自己揸好自由,同埋可以睇到土耳其嘅靚景。」

江嘉敏話成日Trip不停食嘢,起碼肥咗一公斤,即係差唔多兩磅。(電視截圖)

妒忌劉穎鏇年輕過自己 江:我真係咁講㗎?

今集照舊帶大家四圍玩四圍食,雖然少了一些福利畫面,又同時減少了過去兩集「爛gag」,卻在節目尾聲增加一些對話環節,讓她倆說說彼此初相識時的經歷,劉穎鏇憶起,她們第一次的認識,是在電視城的化妝間:「我最深刻嘅印象係,我哋試完造型之後入廠,佢(江嘉敏)就同大家講:『我知吖(劉穎鏇比她年輕)!』之後我就想講,佢講話第一次見到有女Artist後生過佢,所以佢唔鍾意我。」在一旁的江嘉敏又笑著問:「我真係咁講㗎?我真係唔記得,我只係記得第一印象就係你好高,嗰時應該未知你後生過我,哈哈。」劉穎鏇1997年出世,江嘉敏則是1994年出世,劉比江年輕3歲。這段友誼由「爭執」開始,但之後兩人就被安排一同前往英國拍攝新劇《兄弟》,更與江嘉敏變成了「同房密友」。

記得睇埋前兩集內容:

【3日2夜】教劉穎鏇摸柱要「塞入個窿」   江嘉敏追問「濕」係點解

【3日2夜】劉穎鏇江嘉敏有艷遇    土耳其Shopping講價遭「索吻」

江嘉敏、劉穎鏇同成個班Crew為咗要拍熱氣球呢一幕,已經連續2日凌晨2點起身,所以話要拍一個旅遊節目都唔容易。(受訪者提供)

出差多「意外」 化好妝才知拍攝被迫取消

出差總是旁人羨慕,卻有苦自己知,劉穎鏇表示一早預計得到:「拍呢個節目都預咗辛苦㗎啦,拍節目其實都唔會話嘆世界,話去旅行始終都要做嘢嘅。我哋為咗拍熱氣球呢,我哋有一日係凌晨兩點起身化妝,4點就去到個Location霸個靚位,因為好多人都會爭位影。但係我哋去到化好晒妝Set好晒頭準備影,佢就通知熱氣球升唔起,我哋成班Crew直頭係:『吓,唔係吖嘛?』之後惟有返酒店瞓多一陣影其他嘢,第二日就再接再勵,又係凌晨兩點起身化妝再去,好好彩嗰次就畀我哋影到。」

+40
+39
+38


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。