【是咁的,法官閣下】律師都收海鮮價? 前大律師林作:記得格價

撰文:
最後更新日期:

大律師之收費要視乎每件案件的複雜程度、所需時間、大律師本身之資歷和經驗而定。一般而言,案件愈複雜,大律師的資歷和經驗愈深,收費便愈高。前大律師林作接受《香港01》訪問時就表示:「百萬一堂,一定係民事。至於刑事,最貴一堂都冇可能去到7位數字,我諗半百嘅話都可能去到。民事就一定得,譬如好大嘅商業案,7位數係絕對有。但係民事7位數字嘅堂,唔會密密上。刑事即使收平啲,廿萬一堂都好,刑事案審訊時間長,會多幾堂,圍埋都差唔多價錢。」而根據《社區法網》資料顯示,刑事訴訟與民事訴訟的主要分別,在於前者是以香港特區的名義向任何被指控犯罪的人士提出(即無論受害人是誰,均以香港特區之名義提出檢控),藉以遏止罪案和懲治罪犯;而後者則用以保護產權、追收財產及強制履行訴訟各方之義務(一般由受損失之一方提出指控或索償)。

各大律師開嘅價都可以相差好遠。(劇照)

林作現年只有28歲,年輕有為。(圖片來源:視覺中國)

被問到見過收費最高的案件,林作就稱:「我見過最貴收幾多?梗係自己師傅嗰啲啦,你知我兩個師傅(資深大律師青洪和資深大律師張奧偉)都好勁。但其實最貴嘅意思呢,我一直都認為係對比你付出有幾多。我曾經遇過最貴嘅,感覺係做最少嘢,上庭聽審判,究竟係有罪定冇罪。判冇罪,我哋呢邊就梗係乜都唔洗做啦,但照係上咗堂,所以幾廿萬落袋乜都唔洗做,淨係聽個官講冇罪。(純粹陪個客上庭?)梗係唔係啦,我意思係有時候唔係堂堂都要做嘢,例如證人未到,法官改期或者已經完成咗審判,冇罪就即係走,有罪就要做求情。其實上庭就要收錢,無論要做幾多嘢,所以對我嚟講,最貴就係有一兩堂乜都唔洗做,但照收足價。」

究竟法官人工高啲定大律師人工高啲呢?(劇照)

簡單來說,事務律師與大律師的區別就在於是否有資格代表當事人在法庭發表代理或辯護意見。在實行這種律師分工的國家,一般是由當事人直接找到事務律師,然後由事務律師聘請訟務律師代表當事人出庭進行訴訟。(劇照)

而林作亦提到大律師的價目表絕對不透明:「大律師嘅收費好海鮮,有一啲事務律師,唔老實嗰啲會劏街客。我試過做兩單好類似嘅case,一單係收正價,係上訴,一堂收幾萬,5萬左右。但另一單類似嘅case係開貴4倍左右,最後個客係俾唔起,但佢從來都冇投訴個價太高,所以呢啲嘢都好斬人。」

林作現時是一名藝人兼補習名師。(圖片來源:視覺中國)

林作又提醒大家請律師前不仿周圍格價:「大律師價錢可能係專業行業裡面最唔透明嘅,開嘅價都係好神秘,同行之間都唔講得。但冇人阻止你格價,其實事務律師搵大律師之前都會周圍格價。另一個問題,好多價錢唔係一問,對方就俾你,要開個會諗一諗同閱讀文件,所以格價過程需要時間同埋收一啲好低嘅費用,因為你點都要見個律師,嗰度已經係段鐘計,所以都格唔到好多。但我認為,你至少要格兩個,兩個價錢其實已經可以好唔同。如果完全唔格價,其實好危險。」

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。