【是咁的,法官閣下】歧視女律師? 律師任建峰:有朋友選擇離開

撰文:
最後更新日期:

法律面前男女平等?台慶劇《是咁的,法官閣下》日前播出的劇情就講到女律師楊萍(葉凱茵飾)因拆帳問題,不滿律師樓歧視女性而揚言:「你哋呢班男人,係咁蝦我呢個女人。我一定要…一定要告到你哋甩褲!」劇中更多次提到客人偏向請男律師作為代表律師,因為覺得他們比女律師更「信得過」。到底法律界真的存在男女歧視嗎?

楊律師認為律師樓歧視女性!(電視截圖)

點擊下圖重溫劇情

+3
+2

對此,執業律師任建峰接受《香港01》訪問時表示:「行內男女歧視絕對存在,但『客』呢方面就越嚟越少,唔算嚴重。反而,法律界女律師『難上位』的問題比較大。近幾十年,其實法學院的女同學比男同學更加多,但點解能夠成為資深大律師甚至合夥人仍然係男性較多呢?女律師能力絕對唔差,但佢哋其實要面對好多無形的障礙。」

任建峰 執業律師(資料圖片)

+31
+30
+29

對於無形障礙,任建峰解釋指:「無形障礙係,例如好多人會認為女律師要嫁人,怕佢之後唔想做咁辛苦,所以唔會升女律師先,令佢哋要轉做公司內部嘅法律顧問。仲有一方面,係女律師點做都『死』。男律師『以柔制剛』就畀人讚,女律師又會話佢哋撐唔到場。強硬啲又俾人話『八婆』,有時都真係好陰功!」任建峰更透露身邊的女律師朋友曾受到無形障礙而選擇離開。

楊律師太投引工作而被老公提出離婚。(電視截圖)

+3
+2

任建峰更強調業界要正視問題,他稱:「其實呢個問題唔止法律界,係所有專業界都有呢個問題存在,甚至乎係會界計同工程界。其實依家比較有國際規模的律師行都開始鼓勵女律師『上位』,我覺得要改變嘅並唔係女性,佢哋一啲問題都冇,而係我哋呢班男人要變。」

任建峰指各行業的女性要面對較多無形壓力。(FB圖片)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。