【火速救兵】重演巴士撞騎樓意外　以真實救護員角度呈現人生無常

由香港電台電視部和消防處聯手製作、以消防及救護員為題材的港台劇《火速救兵IV》已踏入第三個單元　──「守破離」，講述由林文龍、梁雍婷飾演救護員的故事。上集（10日）講到一宗地鐵站火警救援事件，為求真實，劇組特意向港鐵租借黃大仙站作拍攝場地。《火速救兵IV》一向追求真實感，下集的播出的內容更加會上演一場巴士撞騎樓的重頭戲！除了使用真實巴士作為道具之外，就連拍攝手法亦以最貼近「救護員日常」的方式去呈現。

相關文章：

【火速救兵】力求真實港鐵站拍救人場面 導演：安排臨記走位最難

用真巴士做道具

在影視行業中，「無中生有」遠比「就地取材」容易，但為了提高真實感，導演范因明為完美演繹撞巴士意外的震撼場面，事前做足準備功夫，走訪香港街頭尋找合適地點，更找來一輛真的巴士：「第一，我係想架巴士似係撞咗落個騎樓，咁個騎樓要係啱高度先，高得滯低得滯都唔啱，第二，樓下要合理地可以有個巴士站，咁先至有咁多人企喺度，最後揀咗去火炭。我哋又喺劏車場搵咗架巴士，然後事先劏開佢，擺到啱啱好嗰個位，因為我唔可以真係撞埋去，如果撞爛咗個騎樓就大鑊。」

以救護員的角度出發

大部分災難片都非常著重事件發生的前因，例如說明是人為疏忽，或者是因為無數個巧合而拼湊出意外，從而透過劇情鋪排和畫面讓事件的發生更能令觀眾產生共鳴。不過今次范導刻意避開這些劇情和場景，原因是希望以最貼近救護員的角度出發：「我故意將件事嘅前因後果淡化咗，冇講點樣發生，點解發生，完咗之後又係點，我特登唔講，因為救護員都唔會知道個起因係點，佢哋去到第一時係唔會理點解同點樣發生，唔會理係邊個啱邊個錯，唔會有任何批判，因為佢哋嘅重點係去救人，有人就救，呢個先係救護員真正嘅工作。」

梁雍婷拍攝中途受傷

雖然當日的拍攝是做足萬全準備，然而劇組千算萬算亦估計不到，拍攝當日遇上炎熱高溫，攝氏34.5度，而女主角梁雍婷更不敵炎熱發生意外受傷，她接受《香港01》時說：「因為當日太熱，加上全副裝備嘅緣故，又要跑落一條好長既斜路，點知體力透支，roll緊機嘅時候跑跑下仆咗喺度，我係成個人趴低咗，兩邊膝頭哥同手掌都腫咗同流血，要真嘅救護員幫我包紮。」梁雍婷不希望妨礙拍攝進度，所以負傷上陣都要完成拍攝。然而她最擔心的並非自己受傷的痛楚，反而是其他扮演傷者的演員：「佢哋要烈日當空，化住血流披面嘅妝喺度曬，我印象好深刻係有位飾演受重傷嘅婆婆，佢為咗保持個受傷個狀態，攤咗喺個地下好耐，我真係好感動，好多謝佢哋，冇咗佢哋，我哋根本完成唔到今次嘅拍攝。」