【萬千星輝賀台慶】壓軸大獎得主黃庭鋒 差一步唔做藝人?

撰文:
最後更新日期:

《萬千星輝賀台慶》的壓軸大獎每年都會掀起高潮,而今年台慶終極大獎則由一位新鮮面孔黃庭鋒(Telford)奪得,這位三十歲的小鮮肉從「IG紅人」汪明荃手中奪過51萬現金大獎及大量獎品,庭鋒謙稱只屬好彩,若大家有留意明珠台節目,相信對他絕不陌生。

剛剛完成學業,庭鋒新劇見街兼拎大獎,呢個運有排行(電視截圖)

黃庭鋒:入行時已好好彩

若然要說庭鋒好彩,從兩年前加入TVB時開始便已行運,當時正值巴西夏季奧林匹克運動會,庭鋒直言在剛加入TVB便獲安排參與奧運節目,當時已覺得好好運。而庭鋒參與主持《體育世界》一展所長,而在TVB決心收起體育組的長青招牌前,庭鋒已獲安排到其他綜藝節目,避過一劫。

【萬千星輝賀台慶】擊敗阿姐汪明荃 黃庭鋒奪大獎清單絕密公開

庭鋒曾是《體育世界》主播,可惜TVB體育組已成過去。(Instagram)

處男作周日播出

去年庭鋒獲安排簽經理人合約做「親生仔」,現時在明珠台主持英文生活節目《港生活‧港享受》,以及周末節目《Y Angle》。而本周日其首次參與的劇集《救妻同學會》亦將播出,他在綜藝節目中庭鋒亦經常「扮嘢」展現演藝細胞,很快便被監製睇中加入劇組,首先在網劇《守護神》中客串一角,後被監製睇中參演《救妻》,與胡鴻鈞、朱智賢、劉佩玥等成為老友,早前庭鋒碩士畢業,眾人亦有到畢業禮上為他打氣。

《救妻同學會》可以睇到庭鋒的演出。(Instagram)

庭鋒有份主持多個節目,有留意絕不陌生。(Instagram)

庭鋒做綜藝節目已經常扮嘢,好快被劇組睇中。(Instagram)

差一步做英國職業球員

庭鋒入行前曾在國際學校教書,在英國讀中學時更是一位半職業球員,在「行星運」前曾面臨兩次重大抉擇,提到放棄在英國做球員,庭鋒說:「係中學時加入學校校隊員,因為教練係前英格蘭代表隊預備成員,踢過狼隊同阿士東維拉,當時佢選咗我去試腳。但因為英國球壇太大競爭,我覺得我係好熱愛運動,但唔係一定要做球員,當時最大抉擇反而係諗要唔要返香港,最終我揀返香港讀體育系,畢業後就好自然咁去咗教書。」

半職業球員曾是庭鋒其中一個身份。(Instagram)

教師在很多人眼中是一份穩定職業,庭鋒最終放棄工作選擇夢想:「一直都想做幕前工作,畢業後順勢去做老師,自己諗住唔做就冇機會,抱住不妨一試嘅想法去casting入行。」提到他半工半讀完成碩士課程,庭鋒對讀書反而有份堅持:「想繼續進修,其實好多次都諗過不如工作先,因為真係太辛苦懷疑捱唔捱到落去,屋企人一直好鼓勵我,終於喺兩年半完成。」

學業畫下句點,庭鋒準備在演藝圈一展身手。(Instagram)

問到有否想過放棄工作?庭鋒表示:「呢個係夢想,點都唔放棄得。」庭鋒指學業畫下完美句號,而演藝工作只是剛剛開始:「自己唔係科班出身,有擔心過演技唔夠熟練,今次《救妻》盡量做到最自然表情,希望觀眾會睇到。」

更多庭鋒的生活照片



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。