被吳業坤影響差點忘詞 田蕊妮:我直情想打佢!

撰文:
最後更新日期:

田蕊妮(阿田)昨晚(25日)在《勁歌金曲優秀選第二回》憑著派台歌《兩口子》奪歌曲獎,因為以前阿田的音樂作品都是以翻唱為主,所以今次是她入行二十多年來第一次以自己的歌得獎,她形容感覺「好得意」。

田蕊妮(阿田)昨晚(25日)以歌手身份出席《勁歌金曲優秀選第二回》,並憑派台歌《兩口子》奪歌曲獎。(梁碧玲攝)

轉行做歌手的阿田直言做歌手比演戲壓力更大:「歌手係自己企喺個台度,又自己入錄音室,靠自己去演繹首歌,雖然監製、作詞作曲都幫好多,但始終都係比較個人嘅一件事嚟。而演戲係一個團隊。」壓力甚大的阿田指自己待機時已經很緊張,誰知吳業坤(坤哥)卻令她更緊張:「頭先我一路坐喺台下等緊嘅時候,坤哥成日都話『死啦,唔知陣間記唔記得歌詞』我直情想打佢!原本我都記得好穩陣㗎,佢係咁係隔離話唔記得歌詞搞到我都好驚會唔記得歌詞!」

阿田「投訴」坤哥害她差點忘記歌詞,幸好最後都表演順利。(梁碧玲攝)

在演戲、音樂方面都得到肯定,阿田最近主持的節目《女人四十》更入圍《萬千星輝頒獎典禮2018》的「最佳節目主持」及「最佳非戲劇節目」共兩個提名,但她竟然對於自己被提名一事完全不知情:「吓係咩?咁好開心喎!幾時頒獎典禮?不過唔好諗咁遠啦,節目未播完㗎,希望大家多多支持!」拍完整個節目,作為女人最大的領悟是甚麼?她表示:「女人一定要識得欣賞自己,唔好被外界眼光規限自己。有咩好同唔好,其實去到呢個年紀你自己一定知道。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。