邊個話減肥唔可以食宵夜？ 每晚食30克加快新陳代謝有助減肥
撰文：關穎賢
出版：更新：
減肥同護膚都是女人的終身職業，但絕對不是容易的事。正如不少藝人為了上鏡望落瘦啲靚啲，都會不惜一切去減肥。就好似國際天后麥當娜（Madonna）咁，就算60歲都仍然保持Fit爆身材，佢為咗減肥而節食，但仍然堅持會親自落廚煮飯，只是煮完之後唔會食，聞吓就當食咗。聽落都真係幾癲，不過各位女士唔使擔心，其實減肥都可以有啖好食，唔止可以食宵夜，而且仲要係芝士！
現年60歲的國際天后麥當娜（Madonna），仍然保持Fit爆身材，只因她堅持每天做運動及控制飲食。（Getty Images）
好多人都話減肥最好唔好食芝士，因為芝士含嘅熱量同脂肪都比較高，就好似以車打硬芝士為例，每100克嘅鈣質含量，熱量就高達412卡路里，相等於近2碗飯。不過根據外國一項研究結果得出，如果臨瞓前30至60分鐘食茅屋芝士（Cottage Cheese），對身體嘅整體健康鬥會有好大幫助，除咗可以加快新陳代謝率，更可以修復肌肉。茅屋芝士屬於軟芝士，其實係製作芝士蛋糕嘅原材料，結構比較鬆，亦沒有被壓過，所以熱量較低，而且含豐富蛋白質，仲不含鹽份。就係因為咁，能夠加快新陳代謝，有助減磅。
茅屋芝士屬於軟芝士，熱量較低，而且含豐富蛋白質，仲不含鹽份。（VCG）
如果同100克嘅鈣質含量嘅車打芝士相比，茅屋芝士嘅熱量只僅有98卡路里，相等於3分1碗飯。茅屋芝士味道都較為淡，所以大家都可以選擇配合生果或者沙律一齊食。不過，大家都應該注意，進食茅屋芝士嘅份量都唔好咁多，只好食大約30克，如果大家選擇低脂嘅茅屋芝士，就最好唔好超過80克。呢個有助減肥嘅方法始終都因人而異，效果對不同體質的人來說會有差異，要達到良好嘅減肥效果，最好就做多啲運動，飲足夠嘅水同少食加工食品，以免吸收過多熱量。