【陽關道】本土製港劇成功登陸Netflix 驚悚血腥肢解劏屍大放送

撰文:
最後更新日期:

Netflix近年大手購入港產電影以至亞洲電影,繼早前港產劇集《反黑》進駐Netflix之後,另一套港劇《陽關道》將於12月22日在Netflix面世,成為第二套衝出香港的劇集。據知,《陽關道》的故事是以香港三大奇案(紙盒藏屍、伊利沙伯大廈花槽雙屍案和淘大花園無屍謀殺案)作為藍本,王貽興接受《香港01》訪問時興奮的說:「Nobody都可以畀Netflix揀到,我覺得係一個光榮同開心嘅事!」

有陳國邦、詹瑞文同艾威主演,睇名單都覺得勁吸引。(資料圖片)

對於《陽關道》能登上Netflix平台並於全世界播放,王貽興接受《香港01》訪問時表示:「有一種美夢成真嘅感覺,因為大家咁鍾意睇Netflix,又睇咗咁耐。拍劇嘅時候都會幻想,如果有一日我嘅劇喺Netflix上就好啦。當然都唔敢去諗,因為太遙遠。估唔到今次成本唔高嘅原創電視劇,Nobody都可以畀Netflix揀到,成為《反黑》之後第二套香港電視劇喺全球上架,我覺得係一個光榮同開心嘅事,人生願望嘅Checklist終於完成咗一樣!」

劇入面仲有陳國邦劏屍畫面,有興趣嘅朋友可以睇最底嘅圖輯。(資料圖片)

寧願放棄香港電視台上架,也不願刪剪或打格

雖然《陽關道》在12月份才在Netflix上架,但其實該劇早於8月份就在「馬來西亞Astro」播放。王貽興:「佢係馬來西亞電視台Astro投資嘅,但畢竟佢始終係香港原創電視劇,一定會有個情意結想喺香港播。嗰時都有聯絡香港電視台問下佢哋想唔想買,不過佢哋睇完片之後話香港而家尺度或者鏡頭都可以要刪剪或者打格仔先出到街,基於呢個原因,個作品可以會變得支離破碎,所以我哋最後都冇咁做,寧願等個更好嘅機會。」

睇相都覺得恐怖...(資料圖片)

劇集著重的是意識上大膽

其實除馬來西亞之外,新加坡和其他地方亦已成功賣埠,說到底,其實《陽關道》是否因為畫面過於血腥驚悚才未能完整地在香港播放?王貽興回答說:「唔係畫面上追求嘅官能刺激,而係意識上嘅大膽同恐怖,呢樣反而係我哋最著重嘅,唔係為咗要用幾多加侖嘅血,因為呢啲係冇意義。對於一個故事,如果唔係必須要嘅,其實幾多恐怖場面都係多餘。我諗啲人睇試片或者買片嘅時候,佢哋唔係因為畫面上嘅血腥,而係因為意識上嘅大膽。」

王貽興話,雖然套劇屬小本製作,但仍然係一個用心之作。今次Netflix買咗,其實係一個好大嘅鼓舞。(資料圖片)

重現劏屍過程

王貽興續說:「無論係紙盒藏屍、伊利沙伯大廈花槽雙屍案和淘大花園無屍謀殺案,都盡量用我哋方法喺畫面上還原個做法,甚至係劏屍過程,點樣消除血漬或者點樣毀屍滅迹等等,都有過程披露呢種令人毛骨悚然嘅嘢。」雖然王貽興稱《陽關道》只有必須的恐怖畫面,但說到底此劇是以7,80年代三大奇案做藍本,內容自然涉及肢解、殺人和劏屍等血腥場面,其實以港劇來說,實屬是難得一見的驚悚題材。

精彩劇照:

+13
+12
+11

演員劇照:

+16
+15
+14


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。