【學是學非】火博士反串演白雪公主 激似《麥兜》Miss Chan

撰文:
最後更新日期:

經常在TVB節目《學是學非》中講解科學知識的科大化學系講師陳鈞傑(Jason),人稱「火博士」,平時已經畀成班港姐是非精圍,恨死一眾毒男,近日更迎來幕前演出事業的高峰。

咁多位靚女都無份扮公主,反而係由火博士嚟做白雪,相當搞笑。(IG圖片)

火博士日前同5位靚女是非精一齊錄影節目,包括馮盈盈、劉穎鏇、鄺潔楹、張寶兒和梁嘉琪。當中需要一個白雪公主角色,不過竟然咁多位靚女都無人中選,反而係由火博士砌低一眾美女,扮演「白雪公主」,是非精們只係扮小矮人,眾星拱照佢呢位「白雪」。

火博士另有一翻「韻味」。(FB圖片)

平時著開白袍,今次著上白雪公主裙,戴上假髮,非常「嬌俏」,望落仲有啲似《麥兜》中的Miss Chan。火博士喺臉書留言「#為科學做點貢獻 #挑戰每日不同穿搭 #為學是學非犧牲色相 #其實係去做化學實驗 #希望冇嚇親大家」。有人留言話搵食艱難,火博士回應:「係呀,因為所有博士拍學是學非都係絕對義務性質,就算扮鬼扮馬都搵唔到食㗎。不過就搵到好多樂趣同意義,所以都好滿足既。」

火博士個Look有啲似《麥兜》中的Miss Chan。(FB圖片/網上圖片)

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。