【鋒味】謝霆鋒吳彥祖罕有分享家庭生活 問後生女點同爸爸相處

撰文:
最後更新日期:

由謝霆鋒主理的飲食節目《鋒味》日前播出第二集,今集霆鋒就同好友吳彥祖齊齊飛到希臘,結合二人所長,為當地中國女孩翻新餐廳及修補烤爐。期間,二人大談「少男心事」,互相分享人生感悟和家庭生活,同時回憶寺以前一齊拍戲時的點滴。

兩位型爸。

霆鋒感慨自己身份的轉變:「自己從『謝賢兒子』到後來介紹父親是『霆鋒爸爸』。」確實係經過唔少努力;而吳彥祖也講起自己近幾年減少工作,係為咗陪女,「女兒現在五歲,她越來越大,不知道以後該怎麼和她相處。」佢仲請教二十歲嘅中國女孩點樣同爸爸相處。

霆鋒大讚當年吳彥祖好嫩口,回憶年少時的自己,形容係「不是瘋狂是拼命。」;吳彥祖就話霆鋒做咩嘢事都係「嚟真」,期間提起,又話佢自戀又多白頭髮,仲話要快啲拍番套《特警新人類3》,再遲啲就變咗《特警老人類》。霆鋒同吳彥祖亦都罕有咁講起近年因為自己身份嘅轉變,更加深刻理解陪伴家庭的重要嘅想法。

霆鋒和吳彥祖首次合作《特警新人類》已是近20年前的事。

上集聖彼得堡中西合壁美食同文化交流,今集去到希臘就大玩「廚師 x 建築師」。吳彥祖讀建築出身,作品曾入選有「建築界奧斯獎」之稱嘅英國皇家建築師學會獎,當廚師謝霆鋒遇上建築師吳彥祖,以建築為靈感整蛋糕,又化身木工修理廚具、翻新餐廳,二人合作無間。不過期間佢哋又經常互寸,好似霆鋒喺沙也上畫翻修「設計圖」,吳彥祖就忍唔住話:「看這個圖就知道你沒學過建築。」之後落海捉魚,霆鋒就話:「如果這麼大的網都抓不到魚,那麼吳彥祖就要跳海了。」經過兩日上山下海行街市嘅忙碌,霆鋒同吳彥祖終於為中國女孩圓夢。

兩位凍齡男神。

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。