【開心速遞】又有CP分手? 周嘉洛:愛情要經得起波折

撰文:
最後更新日期:

周嘉洛、林凱恩(Iris)和一眾《愛回家之開心速遞》的演員今日(19日)到長者中心送暖,在現場大玩遊戲及送聖誔禮物與他們提早過聖誕。在劇中飾演金城安和Bonnie這對情侶的嘉洛和Iris經常受到考驗,現在感情更要亮起紅燈?嘉洛說:「分手?係呀,分呀!你知啦,安仔好愛Bonnie,但Bonnie就唔同啦!」Iris笑稱:「點解我哋咁多波折嘅?可唔可以開開心心呀?」

周嘉洛、林凱恩、劉丹、單立文、張景淳及呂慧儀等一眾《愛回家之開心速遞》的演員今日(19日)到長者中心送暖。(梁碧玲攝)

Iris飾演的Bonnie在劇中處處被父母管制住自己的戀情,她說自己不能接受:「我會同佢哋傾,我係一個用愛去化解仇恨嘅人!」嘉洛問道:「如果佢哋接受唔到但你又好鍾意佢呢?」她說:「咁我會唔鍾意個男仔,我係咪好孝順,哈哈。」

嘉洛和Iris稱今年聖誕節要在工作中渡過,不過與工作人員和劇組一大班人慶祝都很開心。(梁碧玲攝)

最近一集大小姐和送水輝被拆散的劇情被網民大呼「好虐心」,嘉洛說自己都睇到很心噏:「劇本又寫得好,大小姐同送水輝又做得好,真係好好睇!」不少網民都說現在《愛回家》太虐心,要改名做《虐回家》,Iris說:「人生總有波折,但最後都應該會大團圓結局㗎!」嘉洛認為經得起考驗的才是真正的愛情,所以安仔和Bonnie應該也會破鏡重圓?「睇吓我哋經唔經得起呢個波折,同埋睇吓我同朱凌凌愛得有幾深啦,哈哈!」

安仔和Bonnie這對苦命鴛鴦的命運會是怎樣?大家就要留意明晚的《愛回家之開心速遞》啦!(梁碧玲攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。