【救妻同學會】胡鴻鈞想同李任燊做宿友:「佢認真工作又幽默」

撰文:
最後更新日期:

胡鴻鈞 (Hubert) 和劉佩玥 (Moon) 主演的救妻同學會》即將在下週日播映大結局,Hubert和一眾演員今日出席宣傳活動時都感觸良多,其中黃美棋台上講感言時更忍不住喊。Hubert表示:「因為呢個係美棋返嚟TVB後拍嘅第一套戲。其實唔單止係佢,我都會唔捨得。好開心今次可以同一班年齡相約嘅演員一齊拍戲,我哋收穫咗一份友誼,而且我相信我哋未來會有更多合作機會。我哋依家都仲keep住有聯絡,私底下都有約食飯。」

胡鴻鈞 (Hubert) 唱劇集片尾曲時,一班隊友即化身超級fans又撒花又跳舞,劇組感情太好喇!(梁碧玲攝)

那不知道Hubert心目中的理想宿友標準是怎樣的呢?Hubert一開始話想同劇中五個男仔合宿,但最後就出乎意料揀咗李任燊做宿友,Moon即刻好驚訝:「咦!我以為你會揀庭鋒 (黃庭鋒)㖭!」Hubert解釋他原本就跟黃庭鋒很熟,「好似無得再explore多啲佢另一面,但我對Jason (李任燊) 嘅認識仍然係好表面,就覺得佢認真工作同幽默。我同佢都唔算入呢行耐,彼此仍然有想博,想衝刺嘅心態,我好欣賞佢呢份態度,覺得會啟發到我,即使我係主力音樂佢主力演戲,但都覺得會係對方身上學到野。」所以就揀李任燊做宿友喇。

Hubert想同李任燊做宿友,大讚佢工作認真得黎又夠幽默。(梁碧玲攝)

被問到演員是否覺得三個平行時空設定太混亂時,Hubert搞笑質問鏡頭:「邊個講嘅?同我企出嚟!」但後來又正色道讓觀眾思考就是本劇最大特色:「佢好玩嘅地方就在於劇情唔係實實在在,死板嘅,而係留多啲空間俾觀眾思考,可能要去到最尾一兩集先同大家揭曉,所以中間呢段探索嘅過程其實係好玩嘅。」

Hubert同Moon都一致覺得劇集要專心睇先會發現好玩之處。(梁碧玲攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。