黃宗澤逼睇恐怖血肉視頻 吳卓羲嚇親:同我熄咗佢!

撰文:
最後更新日期:

吳卓羲今晚(12/1)在九展出席健康產品周年晚會活動。提到好兄弟黃宗澤(Bosco)早前拍《飛虎之雷霆極戰》時意外斷腳,事後在社交網絡張貼受傷入院相,卓羲提及此事都表示驚訝:「嗰日我拍完戲,跟住佢就接我班,其實個場戲分開兩邊拍攝,我係呢邊槍戰緊,佢就係嗰邊駁火,我都唔知咩事,咁過咗一日,個攝影師打畀我,話我知Bosco意外斷腳,仲好嚴重。」

吳卓羲兩個星期後,會到馬來西亞出席電影《一起走過的日子》發布會。(林迅景攝)

Bosco意外腳斷受傷入院做手術後,不經不覺都有一個月時間,康復進度良好,還將拆鋼針過程拍低。卓羲直言:「佢尋日去咗覆診抆針,今朝早見到佢,佢講我聽個過程我都驚,佢突然間畀我睇嗰啲視頻,成支針有4吋長,本身插咗入腳掌骨裏面,知道佢冇麻醉情況下,醫生就咁用個鉗抆出嚟,電話發出嚟嘅聲係「喀喀」聲,我即刻叫佢熄咗部機佢,唔敢再睇落去。」

吳卓羲表示見到Bosco受傷後,令到自己有好大的警惕,在拍戲時會特別注意安全。(林迅景攝)

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。