岑麗香懷孕六個月自己打曱甴:我唔可以再成日靠人哋!

撰文:
最後更新日期:

岑麗香(香香)今日(15日)出席護膚品牌活動分享護膚心得,雖然已經懷孕六個月但香香的皮膚狀態仍然滿分,原來是因為她在護膚方面一點也沒有偷懶:「有多啲時間休息就會令我用多啲時間去整到自己靚啲!同埋用啲簡單、天然嘅嘢會令自己覺得舒服同開心啲。」

懷孕六個月的香香仍然保持苗條身形,她透露為了保持健康體魄有做瑜伽和散步。(陳順禎攝)

香香表示自從懷孕後變得特別喜歡飲果汁,但同時因為經常不知道自己想要什麼而令到老公好頭痕:「有時真係估唔到自己嗰刻想要啲咩,好似上個星期老公買咗一大支橙汁,諗住我嗰排鍾意橙汁可以畀我隨時飲,但係我又冇掂過,偏偏係要蘋果汁,所以佢又要走落去再買過!」

香香表示現在還在猶疑究竟在香港還是加拿大生B,需要多少少時間才能下決定。(陳順禎攝)

她透露自己因為即將要成為人母,所以逼住自己一定要長大和學懂犧牲,更意外地克服對曱甴的恐懼:「上個月我自己喺屋企見到隻曱甴,我即刻尖叫閂門希望佢自己走,然後我打電話畀我表姐,佢同我講『你唔可以再係咁,你要做人阿媽啦喎!』嗰吓我覺得佢講得好啱,我唔可以成日靠人哋,一定要保護另一個生命,永遠都擺佢喺我嘅第一位置!於是幾唔想都好,我就深呼吸,一下好大力拍落去殺咗佢!」她笑說希望自己能夠給小朋友一個安全的地方長大,並成為一個當遇到危險時第一時間站出來保護孩子的媽媽。

香香笑稱自己未夠膽挑戰在家中水中分娩,不過分娩時老公一定要在旁陪伴。(陳順禎攝)

更多精彩活動照片:

+12
+12
+12


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。