【曼谷唐人街】王君馨苦練十二路譚腿 同伍允龍對踢:已傷到舊患

撰文:秦志鴻
出版:更新:

無綫新劇《曼谷唐人街》最近已經開始拍攝!在此劇公布之時,單純「城寨班底」四字大宇已劇迷相當期待!雖然《曼》劇缺少了胡定欣坐陣,但加入了在《同盟》中身手了得的陳山聰和姚子羚,同樣有睇頭!在《城》中王君馨(Grace)飾演花曼的評價相當不俗,觀眾除了大讚她打八極拳有功架之餘,她更憑花曼一角奪得2016年「最受歡迎電視女角色」!今次Grace在《曼》劇亦承傳做打女,不過她今次並非打八極拳,而是「十二路譚腿」,近日還將自己練習的片段放上網,腿法勁度十足有板有眼!

點擊睇片:

王君馨話拍之前完全未聽過十二路譚腿!(Instagram)

收放自如最困難

見到Grace的苦練成果,就知道她下了不少苦功,而要在鏡頭前做出效果,最難就是要將腿力運用得收放自如:「其實拍戲要做到打出去好似好有勁度,但要做到俾人踢嗰個唔覺得痛真係好困難,尤其係今次要用咁多腳添!學伍允龍話齋,好多時都會自己食返度力,呢個先係最容易拉傷,所以日日都要喺屋企練(已經有人整親?)好在就無,不過我係好怕自己會踢親人,尤其係同我哋嘅武指郭追對練嗰時,不過佢哋就成日都叫我放心咁踢落去。」

王君馨的最大挑戰

其實Grace的表現以及在《城寨英雄》的往績已經告訴大家,要在鏡頭前顯身手理該應付自如,然而Grace在《曼》劇中的挑戰又豈止如此?她說:「我已經有啲傷到腳趾公舊患,其實又唔係全部都關今次事嘅,係之前著高踭鞋著得多積落嚟,不過今次最大挑戰都係要著高踭鞋去打。但為咗令到自己舒服啲,都度身訂做咗一對特製嘅高踭鞋,唔知點形容,總之就係會令自己做動作做得舒服啲,(點解要著高踭鞋嚟打功夫?)因為靚囉!其實係我個角色經常都會著裙,所以著高踭鞋就會適合啲。」