【是咁的,法官閣下】角色被老公hurt盡 王君馨更珍惜婚姻

撰文:
最後更新日期:

台慶劇《是咁的,法官閣下》進入結局篇,主角范小宇(黃智賢飾)和Ophelia(王君馨飾)夫妻之間的矛盾亦開始解開,最新一集講到黃智賢到教堂告解後,終於向王君馨坦誠二人婚姻存在第三者,更直言:「就算喺我哋最親密嘅時候,我個心都係諗住佢!」,令王君馨怒摑他後傷心離去。劇集一出,即時引起熱烈討論,更有網民表示相當同情王君馨的角色。

講起這場戲,王君馨接受《香港01》訪問時都忍不住表示:「呢句應該係世間上最難聽嘅說話!佢嘅意思等同我從來都冇愛過你一樣。而呢一句說話唔係男朋友講,而係你嘅老公,一個你以為可以一生一世倚靠的人,真係會令Ophelia完全崩潰。(聽完係咪好有衝動推阿Ben落山?)我有問導演,其實女人聽到呢句說話應該會踢佢落山。」王君馨更笑言黃智賢亦認同這個提議,更稱:「執返我啲手手腳腳就冇問題,但係服裝整污糟咗好難賠。」

Grace話足足摑咗四五次!(IG圖片)

點擊下圖遂格重溫二人攤牌畫面!

+31
+30
+29

雖然這句說話如此難聽,但王君馨稱仍然要多謝范小宇對Ophelia坦白:「雖然決絕到不得了,但係總算令Ophelia真正放低,如果范小宇唔講呢句,佢可能一世都放唔低,亦都打唔開個心,俾更值得嘅人進入,所以女仔要好好珍惜自己嘅價值。」

拍攝完畢,Grace亦未能即時抽離!(IG圖片)

+2

Ophelia一角剛開始時並不討好,種種瘋狂的行為都令觀眾不解,更有網友質疑編審安插這個角色的意義,王君馨亦坦言自己亦覺得這個角色很難明:「其實我用咗好多時間去了解Ophelia,佢好唔理性而且我同Ophelia好唔相似,係我就一早飛咗范小宇,唔係,應該係話我一定唔會咁快閃婚,睇定啲,了解清楚,先結婚!」

劇中不只三角關係,而是四角。(劇照)

王君馨又指這個角色看似難度不高,但挑戰性十足:「其實Ophelia思維同我好唔同,佢真係一個好感性同執着嘅人。因為我係基督徒,好多嘢都可以交俾上帝,所有嘢都係神掌握之中,但Ophelia唔可以當佢基督徒,佢冇一個支柱,所以佢會去自殺。或者佢會因為被范小宇冷落,希望喺其他人身邊得到一份愛,嚟填補佢嘅空虛,就算佢同她姊妹嗰場咀咀戲,其實佢都唔係同性戀,係好缺乏愛,而呢位好姊妹可以俾佢好任性做啲唔啱嘅嘢,因為根本唔係嗰樣嘢!」

Grace稱這個角色一定係有佢嘅挑戰同埋難道。(劇照)

飾演Ophelia一角更令王君馨去思考自己的婚姻,她稱:「Ophelia 令到我好珍惜我依家嘅婚姻,雖然等左12年,但係我同先生嘅基礎打得好深,好穩定,亦都有牧師嘅輔導,我相信我哋會一直咁行落去。」王君馨更揚言,就算身邊有比老公更完美的人出現,她都依然會選擇老公,因為這才算是真正進入婚姻。

與老公拍足12年拖,Grace相當專一。(IG圖片)

+3
+2

雖然曾被網友批評角色發揮不大,更責怪編劇浪費了王君馨,但她反而覺得這個角色好人性化:「我希望自己演繹嘅角色係人性嘅,人就係唔完美,太完美嘅人會唔真實,好難同佢connect(連繫) 到,我覺得Ophelia 因為佢嘅不完美,同埋佢嘅遭遇,都會同某啲女仔有共鳴。而且我自己覺得神比我每一個角色都有佢想我學嘅嘢。」

Grace每個角色都花盡心機。(IG圖片)

+4
+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。