【荷里活有個大老千】首拍劇獲讚好戲 陳雅思:做咗好多準備

撰文:
最後更新日期:

陳雅思(Bonnie)近日在《荷里活有個大老千》中嶄露頭角,飾演李施嬅手下舞蹈團成員芬芳的她,原來是2016年度香港小姐季軍。在簽約無這綫後,這兩年主要都是做節目主持的工作,《荷里活》則是她第一TVB次挑戰演戲。問到第一次拍劇的因緣際會,陳雅思說:「其實呢套劇係一年前拍嘅,係同王晶嘅合拍劇嚟嘅,咁作為新人公司覺得有角色適合我、要我去拍,所以就好開心有呢個機會,冇問太多就去拍啦。」她又分享了第一次拍劇的感受:「第一次拍劇好開心同埋好緊張,所以做咗好多準備。拍之前我都有上Acting Class,同啲朋友一齊對稿。我有啲朋友睇電視嗰陣仲Cap返圖俾我話認得呢一幕。啲前輩同導演都好好,好多時都會提點我。」

陳雅思表示做主持和做演員兩項都很喜歡,平時做司儀的機會比較多,希望以後能有更多機會拍劇。(Bonnie IG)

第一次演戲,除了在演技上努力,在外國長大的Bonnie在學好中文上也下了不少苦功:「之前都有老師教我中文,但係而家停咗啦。最近我都有搵中文學校,本身搵到一間幾好嘅,近我屋企同埋價錢都算平。諗住報名嘅時候發現原來嗰班係專比菲傭嘅。我覺得學中文最容易就係同朋友傾多啲計,睇多啲中文,但係我啲朋友成日都笑我啲中文詞語成日講錯。」陳雅思在自我管理上也十分努力:「因為我哋三個月都係住喺深圳,所以返工放工都會一齊hangout去食嘢。因為我哋平時嘅飯餸都比較油膩,嗰三個月我通常食紫菜撈飯或者用暖水洗走菜嘅油先再食,所以係劇裏面可能會見到我越嚟越瘦,希望可以連戲啦。」
 

陳雅思說雖然有時工作完之後很累,夜晚還要去上學,但係她覺得忙得很充實。(Bonnie IG)

陳雅思曾在無綫節目《歎得好健康》裡因身材健美而引起討論,她就回應自己一直都有堅持做運動:「我一直都有做瑜伽,發覺原來我Po啲做瑜伽、做運動嘅健康相,朋友會鍾意同覺得inspired 健康啲,其實我都覺得好開心有呢個positive influence,所以攞完個瑜伽老師牌之後,而家都會教吓啲朋友。」這次在《荷里活》裡展現了好身材,令觀眾都感到驚豔,可見Bonnie對自己的管理和一切努力都沒有白費,她亦希望這一次在劇中的表現良好,以後能有更多拍劇的機會。
 

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。