【新春開運王】薛家燕話長輩教姓薜不擺桃花 「只係擺牡丹劍蘭」

撰文:
最後更新日期:

由薛家燕、黃致豪及湯洛雯主持的無綫新春賀年節目《新春開運王》今日(25/1)在灣仔舉行記者會,更請得堪輿學家麥玲玲與李丞責,即場為嘉賓歌手蘇永康指點豬年開運貼士。農曆年將到,家燕姐表示:「過年會買啲花同埋對吉擺喺屋企,開心啲朋友知道我好忙,已經送定啲花畀我,但我阿爺話我知,我哋姓薛嘅係唔可以放桃花,我唔明白點解,咁所以只係擺啲牡丹及劍蘭,咁所以我會係商場見到有桃花,就會兜個圈行下,攞好意頭。」

家燕姐表示上年派利是用了8萬元,希望今年可以再接再厲派多啲。(陳順禎攝)

日前一名臨時演員懷疑收工後猝死街頭,喚醒社會關注臨時演員工時是否過長?家燕姐深表同情說:「聽到係難過嘅,我哋做演員真係冇辦法,有時要做成24個小時,我嗰陣時出返嚟拍《真情》嘅時候,話自己係超級豪華團,因為早出晚歸,一早帶住個大『喼』就出去到夜晚或天光至返。」

農曆新年將至,家燕姐表示工作忙碌,未有時間佈置家居。(陳順禎攝)

臨記為幫電視台工作,時薪是最低工資$34.5,會唔會覺得偏低?家燕姐無奈說:「其實呢樣嘢每個人都想加人工,唔好講話係演藝界,行行業都想加人工,要睇佢嘅演出啦,同埋睇佢嘅能力,人工方面梗係想行行都加人工,呢啲都係大家開心嘅事嚟,係咪因爲經濟令到公司條數,係咪計得掂先加呢,呢個我真係唔清楚,希望來年經濟好啲,人工方面又加啲囉。」

+5
+4
+3


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。