MIRROR姜濤開拍拖綠燈 花姐列女友五大要求:阻住返工就唔好

撰文:
最後更新日期:

ViuTV節目《ERROR金豬賀歲暨花姐巡遊》今日(28日)進行錄影,主持ERROR與嘉賓MIRROR、Gin Lee、陳安立等人齊齊向歌迷和觀眾拜個早年。MIRROR在農曆新年獲安排放假,12位成員計劃向經理人花姐拜年逗利是,入行後首次過新年的MIRROR又透露利是將會以小揮春和簽名相代替金錢,實行用心意代替金錢送上新年祝福。

姜濤對緋聞女友受影響深感抱歉,坦言沒想到會引來強烈回響。(黃國立攝)

MIRROR的姜濤近日與一名貌似乃木坂46白石麻衣的女子傳緋聞,姜濤再次澄清只是送對方乘車時被拍到,沒想到會引來回響和誤會,所以感到相當抱歉。Anson Lo又稱日後會避免引起不必要誤會的言行舉止,但不會刻意約朋友到遠離人煙的地方見面,或者格外小心地行動。

花姐未有向MIRROR 下戀愛禁令,不過希望成員可以帶女友給她過目。(黃國立攝)

對於MIRROR成員拍拖,花姐坦言自己無意下戀愛禁令:「佢哋都大啦,唔准佢哋拍拖都呃你啦,佢哋見到女仔都會望下。」不過花姐希望MIRROR帶另一半過目,讓她審視對方是不是個好女孩,她又即場向MIRROR訓話:「你哋知唔知拍拖有後遺症?如果你哋識個好女仔,個女仔可以幫到你哋事業,佢會鼓勵你哋工作,但係有種女仔黐身黐世,阻住你返工就唔好啦!」MIRROR成員隨即紛紛點頭贊同。

花姐開出的MIRROR女友條件,各位粉絲又中多少個呢?(黃國立攝)

問到花姐希望MIRROR與哪種類型女孩拍拖,花姐認為12位成員各有適合對象,不過如果想過花姐一關,最好要符合以下條件:「要有禮貌,要識體諒自己另一半,要接受到我,最好可以識做家務,識煮飯,最緊要識吸塵,睇你哋班人都唔會做家務啦,最好係女仔啦!」各位MIRROR粉絲收到未?

+17
+16
+15


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。