Angelababy激罕回港出活動 笑談兒仔未識逗利是:佢話胳肋底有錢

撰文:
最後更新日期:

久未在港露面的Angelababy(楊穎)今日(29/1)在尖沙咀出席新春活動,她在台上透露今次已是第11年參與活動,笑指即使如此仍自覺年輕,但原來今年已經不經不覺30歲。談到去年最開心的事,她說:「『小海綿』而家識講好多嘢,睇住佢每日進步。(點同『小海綿』慶祝兩歲生日?)帶咗佢出去同朋友食飯慶祝,朋友買咗好多蛋糕畀佢,但佢淨係掛住食蛋糕唔影相。」

原來Baby已經30歲,真係唔講唔覺。(梁碧玲攝)

對於豬年願望,Baby直言想多休息,因近年工作繁忙,所以想多點時間陪小朋友:「呢幾日都有啲感冒,知最近流感厲害,希望大家身體健康。」又笑謂兒子還未知道利是錢是甚麼:「每次問佢有冇有錢,佢都話有,喺胳肋底。(教佢理財?)而家佢仲未有呢個概念,所以會幫佢將利是錢先儲起。(今年準備幾多錢派利是?)呢排都忙緊工作,未開始準備利是,到年初一先有得休息,可能過完年再派。」

Baby最希望豬年身體健康。(梁碧玲攝)

睇擊下圖觀看活動其他相片:

+29
+29
+29


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。