憤斥風水大師點七星燈為父續命亂講 何超蓮:你咁講Daddy我好嬲

撰文:
最後更新日期:

一向熱心公益、不時參與慈善活動的賭王千金何超蓮,日前在社交平台上載自拍照,手持「政協第十二屆佛山委員會第三次會議出席証」,公開了自己另一新身分,並正式宣告踏足政壇,並發文表示:「被委任佛山市政協委員,第一次參加政協會議,我會抱著學習的態度向大家多多學習,也會履行自己的責任,持續關注飲食方面和幫助青年創業方面的議題,大家請多多指教。」

超蓮在社交網站宣布接任佛山市政協委員。(Instagram)

而超蓮今日(14日)在銅鑼灣出席情人節大派禮物活動,接受《香港01》訪問說:「我嘅政協工作主要係將大灣區港澳連結,因為佛山都係大灣區其中9+2嘅地方,我自己本身係飲食業及慈善方面,咁我盡量以青年人嘅方向去睇囉,又或者幫啲年輕人去內地創業呀。(有咩嘢驅使你想去做政協?)其實我好簡單,好想將我嘅牛肉麵開去內地,哈哈!咁所以如果能夠同商界唔同嘅連接,唔係淨只同娛樂界,我諗會好啲囉,我個人好坦白,哈哈!」

超蓮指今日本來要到佛山開會,但為出席活動請假,在現場向市民大派朱古力。(梁碧玲攝)

近日傳出賭王何鴻燊病危的消息,更指家人聘請風水大師點七星燈為他續命,超蓮回應說:「成件事都係假,如果作為一個師父,你收得我哋錢,冇理由大大聲聲咁講,因為呢啲係私隱嚟,當時我睇到嗰個新聞,我就覺得好嬲啦,因為我Daddy冇事冇幹,新年流流話佢病危,其實已經好大吉利是,仲有個三唔識七嘅師父走出嚟話幫佢做咗嘢,因為之前連『種生基』都係假嘅,『種生基』都冇發生過,咁亦都冇話咩續命燈,根本唔需要,要有職業操守囉,唔可以亂講嘢囉。(保留追究法律責任?)呢啲嘢留返畀媽咪去處理,但我自己作為一個女,你咁樣講我Daddy會好唔開心。」

對於父親何鴻燊的種種消息,超蓬直言看報道後感到生氣。(梁碧玲攝)

+7
+6
+5

 

【周五心意運動】您捐一封$50利是,已可為基層送上溫飽,01心意呼籲您支持【香港婦女中心協會】,每$50可為1個基層家庭送上暖湯https://heart.hk01.com/zh/project/10064



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。