【後生仔傾吓偈】馮盈盈製造驚喜變鬧交收場 被男友超毒舌傷盡心

撰文:
最後更新日期:

由於寶寶唔喜歡驚喜,所以FYY話生日去邊食飯、送咩禮物都會預先講明。

最新一集《後生仔傾吓偈》以情人節為題,「港女」馮盈盈竟然認為唔慶祝情人節都可以,原因係男友寶寶身邊有唔少愛情長跑人士,發現他們去到後期已不會再應該什麼節目,而最好嘅禮物係陪伴。同女友出名感情好嘅6號聽完就認為慶祝其實係尊重同心意,仲問FYY係未可以接受到兩個人喺屋企睇電視,又笑言「可能到時全屋都係名牌」FYY就話名牌唔一定要有,並指「因為自己都有能力擁有,女人最緊要都係靠自己,唔應該靠男人施捨,我絕對唔會要求男友送,有的話係BONUS。」6號聽完都話FYY完全係四重標重。
 

6號認為情人節一定要慶祝,因為係尊重同心意。

之後眾人講到情人節驚喜時,FYY就話自己唔會再製造驚喜,因為早年佢為同寶寶慶祝生日時,特意夾埋未來老爺呃寶寶,結果搞到寶寶有少少嬲。「之後大家都討論過,因為俾過好多次驚喜但又失敗,然後仲要鬧過好多次交。」FYY仲話被寶寶指責過製造驚喜純粹因為自我感覺良好。「佢話我想自己係個有心思的女友,但無喺佢角度出發,話『呢啲嘢真係幫到我咩?你只係從你角度出發,覺得我會開心咩?但實際我係無開心囉。』」FYY話雖然有同寶寶強調係想佢開心,但寶寶結論都係一樣「無囉,呢件事我係唔開心。」聽完大家係未都覺得FYY好慘,6號仲加多腳話「係好hurt,但又好真。」
 

FYY呢個情人節都應該過得好sweet。

雖然寶寶話唔鍾意「驚喜」,但情人節當晚,FYY IG Story就上載咗一後條由寶寶所拍嘅片段。影片中,電梯門一打開,FYY見到寶寶拎住花等自己似乎十分驚喜,更即時由呆滯變成冧樣,並大叫寶寶嘅暱稱,寶寶之後問FYY鍾唔意鍾意紮花時,FYY冧得更加嚴重,係咁點頭示好……寶寶呢啲係未叫「有口話人無口話自己」呢?!

【周五心意運動】您捐一封$50利是,已可為基層送上溫飽,01心意呼籲您支持【食德好】,每$50可為12個家庭提供一餐回收蔬果及食物https://heart.hk01.com/zh/project/10003



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。