【喜劇之王】「你唔係外賣仔」  袁富華:唔會因為咁多咗嘢做

撰文:
最後更新日期:

《第二十八屆香港舞台劇獎》頒獎典禮將於4月10日假香港大會堂隆重舉行。大會今日(21/2)在香港演藝學院舉行記者會,獲邀出席演藝嘉賓有李蕙敏、袁富華(Ben)、胡琳、蔡瀚億現身站台支持,並公佈本屆各獎項的提名名單。

袁富華今日出席《第28屆香港舞台劇獎》活動。(葉志明攝)

舞台劇界資深演員兼導演的袁富華(Ben),去年憑香港電影《翠絲》先拔頭籌,勇奪金馬獎最佳男配角。被問到有沒有信心再下一城在《 第38屆香港電影金像獎》奪取獎項?Ben接受《香港01》訪問時說:「自己會用平常心,其實有好多對手都值得去攞呢個獎,因為每人都好努力,本身我自己好少諗到結果,如果你記住個『果』,你會唔好開心,你要諗個『因』先囉,點解你會鍾意做演員,金馬獎嗰日講嘅一番真嘅說話,喺我做戲咁多年,令我領悟出行落去嘅動力,就係要Keep住有嗰團火嘅道理,就係你想同觀眾分享嘅故事,將演員嘅角色演好佢,呢個就係叫『因』。」

袁富華獲提名《第38屆香港電影金像獎》最佳男配角。(葉志明攝)

在20年前周星馳電影《喜劇之王》說過一句對白「你唔係外賣仔」,至今仍是個經典,但對Ben哥來說這一句對白,並沒有為他帶來更好的機遇:「都成20年前,其實當年唔會因為呢句對白,我嘅工作機會會多咗,其實我做完《喜劇之王》都唔係即刻入娛樂圈,我都係喺舞台劇,係咪多咗工作又唔係,嗰陣時都好難出去拍電影,因為好多劇要演,所以好多時都會撞期,但有嘢樣好嘅,好感恩到今時今日呢個說話成為經典。」

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。