【降魔的2.0】唔做石敢當 胡鴻鈞同鄧佩儀有感情線：冇真正戀愛
撰文：吳子生
出版：更新：
胡鴻鈞（Hubert）今日（22/2）出席無綫劇集《降魔的2.0》在將軍澳電視城舉行的拜神儀式，祈求拍攝順利，收視長紅。胡鴻鈞表示新一輯劇集《降魔的2.0》不再是「石敢當」：「我會演豪仔呢個角色，會同小馬重遇返，話返畀小馬知我喺呢段時間，我究竟發生咗咩事呢？今次呢個角色同『石敢當』角色嘅性格好唔同，思想上會比較複雜多嘢諗，所以我覺得都幾有挑戰性。」
胡鴻鈞今日出席劇集《降魔的2.0》拜神儀式。（陳順禎攝）
新一輯《降魔的2.0》加入多位新成員，其中鄧佩儀在劇中會與胡鴻鈞有感線。Hubert笑言：「其實我同鄧佩儀唔係好正常嘅男女朋友嗰種感情，可以話我同佢係不打不相識嘅，本身佢其實係要同我敵對，喺打鬥過後原來大家都有好多相同嘅諗法，咁所以我哋就冇真正嘅戀愛嘅感情線㗎！」
胡鴻鈞在《降魔的2.0》中飾演豪仔一角，會與馬明（飾小馬）有連番激鬥。（陳順禎攝）