【杜汶澤喱騷】程美段唔識傻強得罪杜汶澤 即場補鑊:你老婆好得

撰文:
最後更新日期:

杜汶澤去年年初創辦的網台《杜汶澤喱騷》除了有閒談節目、以諷刺時弊的新聞報導節目之外,最受男士歡迎的相信是烹飪節目《為何深夜總是餓》,皆因節目中的「澤女郎」貝依霖(Chantale)、莊端兒(Xenia)、李蔓瑩(Renee)及程美段(Kiwi)都相當吸睛。Kiwi之前因為不停扭動上身,被網民狠批作狀,而在最新一期中,她又再「口出狂言」,連身旁的阿澤都好無奈!

最新一期《為何深夜總是餓》由杜汶澤與程美段(Kiwi)主持,Kiwi的身材仍是焦點。(影片截圖)

Kiwi身穿一件超緊身的車厘龜背心亮相,凸顯出她的好身材。這集阿澤烹飪的菜式是「法式洋葱湯」,身為女助手的Kiwi這次可謂是做好本分,不但止對煮法非常了解,更主動出手幫阿澤,難怪阿澤都忍不住大讚:「我話畀你聽呀,我真係有少少感動。我拍呢個節目成年㗎啦嘛,無人主動走嚟幫我㗎。個個就企喺度,無人走埋嚟幫你㗎。」

Kiwi唔止識得點煮,仲主動幫手,獲阿澤大讚。(影片截圖)

+3
+2

之後阿澤雙手插褲袋,面對鏡頭,「Chok」住講出對白,見到這個畫面,相信不少觀眾已經發現他模仿的正是梁朝偉。而Kiwi亦察覺到阿澤是模仿某一位男星,但卻遲遲叫不出名字:「我醒唔起叫咩名添,佢老婆係劉嘉玲呀。」連大名鼎鼎的影帝都不記得,身旁的阿澤都驚呆了:「Tony你唔好嬲我呀。(咁你做乜扮佢呢?)扮咗廿幾年喇你而家先知呀大佬呀?」

呢一下,連阿澤都當堂呆咗……(影片截圖)

+6
+5
+4

其實阿澤一向模仿偉仔都十分神似,他的搞笑功力毋庸置疑,但2002年的電影《無間道》就真正令他名成利就。他在戲中飾演的「傻強」雖然也是搞笑居多,但面對着梁朝偉這位影帝也毫不遜色。誰知Kiwi不止叫不出偉仔個名,連阿澤演過「傻強」都不知:「傻強?我唔係好記得喇。佢係咪同劉德華呀?」聽到Kiwi這樣說,阿澤的笑容也有少少尷尬,畢竟「傻強」這個角色可謂是他演藝生涯中的經典之一,「傻強」不止純粹搞笑,在戲中也非常重要,他死的一幕亦非常震撼,令觀眾留下深刻印象。阿澤的演技更得到大家認同和讚揚,獲提名金像獎最佳男配角。

阿澤曾與梁朝偉在電影《無間道》中合作,他更憑傻強一角獲提名金像獎最佳男配角。(網上圖片)

Kiwi唔知阿澤就係「傻強」,仲以為係劉德華演……(影片截圖)

雖然Kiwi得罪了阿澤,但她也非常識做,即時「補鑊」:「我知你老婆咩名㗎,田蕊妮吖嘛。(驚唔驚佢呀?)點解要驚呀?(我都驚,你唔驚?)佢真係Keep得好好呀,好得,後生女輸啦!」其實Kiwi在這集節目中不止對答自如,與阿澤你一言我一句也火花十足,不少網民都大讚她有進步,就算是「詐傻扮懵」也有驚喜,笑料百出!

Kiwi大讚阿澤太太田蕊妮好得!(影片截圖)

+8
+7
+6


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。