【福爾摩師奶】床上同陳瀅互摸玩「SheShe」 江嘉敏:係佢做主動

撰文:
最後更新日期:

無綫劇集《福爾摩師奶》中,陳松伶姐姐(祖迪費查/鮑姝娣)精彩的查案手法以及劇情,讓人又驚又緊張又想睇。劇集播映已有兩周,而劇情更開始進入高潮,開膛手的身份亦快將揭曉,上一集更講到為了公義而破口大罵英國人,十分有爽快感。不過,好可能今集(第11集)才是對網民來說,真係正的高潮位。上集預告片中,魏素嘉(陳瀅飾)和丁曉堯(江嘉敏飾)一起「大被同眠」,還手牽著手情深對望。莫非,魏素嘉和丁曉堯其實是「SheShe」(女同性戀)?

預告片得幾秒,真係唔夠!(截圖)

江嘉敏接受《香港01》訪問時,即以「監製話唔講得太多」為由拒絕回答兩人是否「SheShe」的問題。不過被問到,誰是主動誰是被動,她回答說:「只可以透露係魏姑娘主動嘅。」問及為甚麼會出現這一幕戲,她回答:「因為鑑於『魏姑娘』(魏素嘉)嘅身世,某程度上佢係有啲欣賞同埋羨慕曉堯善良同埋純品嘅性格,所以佢就會對曉堯有種奇怪嘅心情,奇怪嘅感情喺入面。不過話佢哋係咪『SheShe』呢,就要睇落去先知。」

陳瀅同江嘉敏床上手拖手呢個畫面,真引人遐想。(截圖)

談及與女神陳瀅的合作,江嘉敏表示這次已經不是第一次合作拍劇:「我哋平時會一齊傾計食飯,係熟嘅,不過第一次拍兩個女仔嘅(床上)戲呢,大家一齊喺張床度摸嚟摸去、輾嚟輾去,都會好尷尬,又會面紅,連入面廠嘅Crew都話:『未見過嘉敏面紅㗎,佢終於安靜啦。』因為我喺TVB都係一個喇叭嚟㗎。」訪問中,她更表示陳瀅是她的女神:「好耐以前同佢合作過嗰張港台劇海報,仲黏咗喺屋企度,本來想搵佢簽名㗎,不過我淆底,哈哈。」

江嘉敏提及過的港台劇是《我的家庭醫生2》,陳瀅在劇中還是飾演護士。(網上圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。