【杜汶澤喱騷】貝依霖意外揭悲慘身世:十幾條藤條綁埋一紥打我

撰文:
最後更新日期:

杜汶澤創辦的網台《杜汶澤喱騷》成功捧紅幾位「澤女郎」,位位都身材出眾,話題十足,當中貝依霖(Chantale)就因為作風大膽,言論又夠出位而大受歡迎,更被視為新一代性感女神!不過在最新一期節目《為何深夜總是餓》中,Chantale就自爆兒時的經歷,原來女神有段悲慘身世。

貝依霖在最新一期《為何深夜總是餓》中自爆兒時居無定所,由親戚輪流照顧長大。(影片截圖)

新一期《為何深夜總是餓》由阿澤及Chantale拍檔主持,兩人過往在節目中都大放笑彈,火花十足,這期也不例外,但兩人的對話卻令節目蒙上了一層悲慘色彩。阿澤為大家炮製四川菜「干煸四季豆」,意外揭開原來Chantale與四川有段淵源,兒時更居無定所:「我婆婆係四川人,佢有湊過我一段時間,因為我屋企人唔係點湊我。即係可能揼下去阿婆嗰度,揼下去同學度,揼下去阿嬸度,咁樣大㗎。」

雖然Chantale笑住講呢段經歷,但其實好心酸。(影片截圖)

+4
+3
+2

Chantale更直言將父母視作已故,語氣決絕,原因是她小時候是在爸爸的打駡下長大:「佢打到我爆晒缸,跟住又逼我飲酒。其實我由5歲開始已經打得好犀利㗎喇,即係可能十幾條藤條綁埋一紥打,跟住一個玻璃煙灰缸扻埋你個頭度。」而阿澤也大爆爸爸早在自己讀小學時已經離世,但他卻對父親的死毫無感覺:「我發覺原來佢死唔死呢,我都無Feel㗎。咁我就開始成日發誓喇,我同人講,你信唔信我吖?如果我呃你嘅,我死老竇。」

Chantale自爆8歲被爸爸打到頭破血流,相當慘!(影片截圖)

好彩Chantale仲keep住靚樣!(IG圖片)

雖然阿澤與Chantale都以輕鬆的語氣說出自己的故事,但相信觀眾難免會為他們的經歷感到心痛。Chantale自言16歲搬出去住之後就沒見過爸爸,而阿澤就表示自己對爸爸早已沒有任何感情,更以平淡的語氣講述一段往事:「嗰陣我讀到五年班我最記得㗎喇,佢夜晚飲醉咗酒返嚟呢就郁手郁腳嗰啲,有一次佢想打我老母。我老母就匿埋,鎖埋度房門,佢攞個鎚揼爛個鎖。我喺廚房攞把刀出嚟,我話你唔好再郁手喇。佢好驚,跟住就走咗。我由嗰日開始就知,呢把嘢(刀)有料到呀。」

原來阿澤都有段心酸往事,為了保護媽媽舉刀威脅爸爸。(影片截圖)

阿澤在鏡頭前笑臉迎人,但誰能想到當年只有十多歲的他就要拿起刀威脅爸爸?外貌甜美、身材又好的Chantale,是不少男士心目中的女神,但原來背後亦有一段悲慘身世。節目出街後網民紛紛留言:「好悲傷的一道菜」、「明明唔係煮洋葱,但就勁洋葱」、「貝貝以前原來有唔好嘅遭遇」、「好Down嘅一集」,更表示希望Chantale放低過去,以後都開開心心!

Chantale經常在IG Post性感照,大受粉絲歡迎。(IG圖片)

+19
+18
+17


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。