【開心速遞.有片】送水輝登台俾女圍 許家傑好謙:係套劇成功!

撰文:林迅景
出版:更新:

《愛.回家之開心速遞》中要數最成功、最受歡迎的情侶CP,由大小姐(林淑敏飾)和送水輝(許家傑飾)組成的「蓮輝CP」肯定榜上有名。日前「送水輝」就到澳門登台,為一家保險公司晚宴上台獻唱歌曲一首《Together》。許家傑接受《香港01》訪問時,就表示這次是他「處男」出埠登台唱歌:「之前都只係喺香港上台唱歌,所以都幾緊張嘅。」影片所見,「送水輝」的真的是魅力沒法擋,短短3分33秒的時間內,就已經無間斷地有18人(當中有15人是女性)上台找他合照,即是平均11秒就影一張。他也十分落力,一一滿足台下「歌迷」的要求。

送水輝(許家傑)唱歌原來都唔錯!(IG圖片)

雖然他謙稱「自己唱得麻麻」,但現場氣氛真的十分之好,每個合照的粉絲都是滿面笑容的。其實他為了這次演出,也特地抽時間練習:「都練咗兩三個星期,雖然呢排開咗兩套劇,時間真係淨返好少好少,連瞓覺都冇時間,但係都抽咗時間去練。」為甚麼會選擇唱鄭伊健的《Together》?他回答說:「呢排鄭伊健開演唱會,雖然我冇去睇,但係佢係屬於我呢個年代,聽唔到佢唱就唯有唱佢首歌。」

林淑敏同許家傑都係跟同一個唱歌老師。(IG圖片)

對於他如此受粉絲歡迎,三分鐘內就有18人排隊上台合照這個情況,他卻謙虛的說:「都係套劇成功,套劇都係大家台前幕後做得好好,去到澳門都受歡迎。去到嗰邊,個個都同我講:『我好鍾意睇愛回家㗎!』所以我畀咁多粉絲圍,係因為套劇成功。」訪問中,他也說要多謝林淑敏:「我都係跟淑敏介紹個老師學唱歌,而家都已經學咗半年啦。呢首歌我而家成日都唱,沖涼會唱啦,對住屋企又唱,對住隻狗仔又會唱,拍劇嗰時又會唱,哈哈哈。」

+13