【黃金有罪】親身上陣拍跳樓戲 洪永城:曾幻想過做動作演員

撰文:
最後更新日期:

洪永城(Tony)今日(18/3)出席在香港國際影視展舉行的「TVB Anywhere劍指東南亞發佈會」。Tony表示雖然公司全面進軍東南亞市場,但自己對於越南話及泰文就一竅不通:「我希望公司將來拓展埋北韓,因為韓文我就唔錯嘅,話唔定我去北韓登台或拍連續劇會有幫助,順便我想探我好朋友阿金仔,因為我好掛住佢。」

洪永城今日出席《TVB Anywhere劍指東南亞發佈會》。(陳順禎攝)

Tony早前拍攝無綫劇集《黃金有罪》跳樓戲時,親身上陣從二樓高簷蓬頂攬住陳瀅跳下,可謂有驚無險:「其實我哋嘅武指都有做足安全措施,另一令我擔心嘅係怕整親我哋嘅宅男女神陳瀅,跳嗰一刻要保護住佢個樣呀,自己摑花塊面都唔緊要,所以攬到佢實一實。(有冇諗過做動作演員?)以前我細細個時候,好鍾意模仿李小龍喺屋企度打功夫,我仲記得細個時攞過啲小食腸仔當雙截棍咁打功夫,曾經有幻想過以動作發展娛樂圈,哈哈。」

Tony經常孖住女朋友(梁諾妍)去跑步做運動。(陳順禎攝)

+22
+21
+20


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。