甄子丹夫婦遭歧視 關之琳力撐好友:真係發生咗啲唔開心事

撰文:賴家杰
出版:更新:

昨天(25日)甄子丹夫婦出席慈善晚宴時候遭國外主辦單位歧視,事後汪詩詩更在社交網站詳細說到這件不愉快事情,而昨天關之琳也在現場,她直言也是今天看新聞才知道:「其實我都唔太清楚,但子丹都有同我講過,報紙又有報紙講,成件事有少少唔同,所以唔係好了解。」

關之琳今天(26日)出席晚宴活動。(梁碧玲攝)

關之琳表示昨天並沒有受到不禮貌對待:「其實我識子丹咁多年,我同佢拍過咁多部電影,佢係一個非常好脾氣好有修養嘅人,如果佢都要起身走,咁真係發生咗啲唔開心事,不過佢尋晚電話有同我講,但諗住下星期見面食飯同佢傾返呢件事,不過希望佢唔好唔開心。」

關之琳表示會跟子丹去了解這件事情。(梁碧玲攝)

關之琳常常也跟外國人合作,問到有沒有嘗試過被歧視,她坦言很少機會:「咁大家都知我喺香港拍戲同國內拍戲多,其實照計子丹係荷里活拍戲咁多年,都咁出名,就唔可能發生呢件事,但發生咗要去解決同了解邊個錯。」