羅家英發高燒40度入院留醫 老婆汪明荃開腔:我幾驚呀!

撰文:
最後更新日期:

羅家英近日因在橫店拍劇感到不適,回來香港便入醫院接受治療及留院住宿,今天(4日)他太太汪明荃(Liza姐)在她的節目《娛樂大家》探班時候接受傳媒採訪時回應家英哥入院的事:「首先回應下家英哥,其實佢喺橫店已經唔舒服,佢其實細菌感染,其實喺上海橫店時都已經入咗醫院,其實上一次佢拍戲都幾辛苦,咁都住咗幾日,朝早要拍戲夜晚又要入返醫院,但佢返嚟香港發高燒,所以又入咗醫院。」

近日家英哥入院,Liza姐笑言佢為老婆當然有好好照顧他。(賴家杰攝)

Liza姐指家英哥也差不多康復好了,也很快會出院,家英哥回港發燒也令Liza很擔心:「都差唔多,應該呢兩日出院,佢個日發左40度燒,我幾驚呀,好彩依家冇乜事。」

家英哥入院那幾天剛好撞了Liza姐演神功戲,所以那幾天Liza姐直言兩邊走也很累:「我都盡量照顧,都要做㗎啦,老婆點可以唔做呢啲嘢,我希望佢休息一下,但有啲嘢接咗都唔推得,希望佢抖下。」

Liza姐希望家英哥接下來工作不要接太多,休息一下。(賴家杰攝)

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。