【法證先鋒】高鈞賢青澀靚仔樣獲大讚:我都算係第一代小鮮肉

撰文:
最後更新日期:

TVB經典懸疑推理劇《法證先鋒》系列最近在深宵時段重播,再度掀起煲劇熱潮,首集收視更超越過往在深夜重播的劇集,大受歡迎!目前正在播出第二輯,除了加入了佘詩曼、鄭嘉穎等新角色之外,飾演阿佘下屬的高鈞賢(Matthew)也備受矚目。近年轉往內地發展的Matthew,發展都相當不錯。

《法證先鋒II》最近在翡翠台深宵時段重播,當年只有24歲的高鈞賢在劇中飾演佘詩曼下屬。(電視截圖)

+6
+5
+4

Matthew在2005年參選第一屆香港先生奪得冠軍,外型高大靚仔,斯斯文文,懂鋼琴、冰上曲棍球和滑雪,深受粉絲喜愛。剛出道他就有機會參演重頭劇《肥田囍事》,其後更獲安排參演《法證先鋒II》,他在接受《香港01》訪問時都表示拍攝過程很開心:「同阿佘合作好愉快,嗰陣都仲好細個,可以話係第一代小鮮肉。當時呢套劇喺內地都好受歡迎,好多觀眾都係因為呢套劇先認識我,對我有印象。」

Matthew與阿佘在劇中有不少對手戲。(電視截圖)

+6
+5
+4

在TVB的9年時間裏,Matthew多被安排演一些文弱書生或斯文角色,演藝事業未有突破,於是在2014年決定離開無綫轉往內地發展:「初初都好順利,第一套劇就係拍《山海經之赤影傳說》。但始終30歲重新開始,所以自己都慢慢摸索。試過遇到啲好角色,但最後冇揀我都會覺得唔開心,不過我都會盡我能力去做,希望儲多啲經驗。(收入係咪都多咗?)當然,但始終唔係話全年都有劇拍,都要靠經理人sell我同自己爭取,呢四五年嚟我都試鏡過上千套戲。錢固然重要,但都會睇角色有冇得發揮。」

2014年Matthew約滿後離開TVB,轉往內地發展,第一套劇《山海經之赤影傳說》就與內地小生張翰、古力娜扎等合作。(IG圖片)

Matthew近年在內地慢慢演出知名度擁有人氣,曾在劇集《包青天》中飾演展昭、《戰狼.戰狼》飾演羅也君,令不少人對他刮目相看。最近他更接拍以澳門回歸為背景的劇集《彎彎的大灣》,目前在珠海如火如荼拍攝當中:「啱啱入劇組,呢套劇到時都會喺CCTV播。今次嘅角色係一個富二代,做羅嘉良個仔。細個睇《創世紀》已經好鍾意羅嘉良,當初都係因為佢先會返嚟參選港男,估唔到入行15年後終於可以同佢合作。」

Matthew曾在《包青天》中飾演展昭,討論度甚高。(IG圖片)

高鈞賢最近拍攝新劇《彎彎的大灣》,飾演一名企業家,與偶像羅嘉良有不少對手戲。(受訪者提供)

Matthew透露現時拍劇為主,閒時會去旅行,鮮有在香港公開露面,就連社交平台都難覓蹤影:「其實我近呢一年嚟都好少更新IG同微博,可能因為個人成熟咗,希望專心拍劇。」Matthew在北上發展前已經有一位圈外女友,兩人拍拖以來感情穩定:「大家喺埋一齊咁多年都好清楚想要啲乜,佢有時都會嚟探班。(有冇諗過再進一步?)暫時都未有結婚計劃,而家專心工作,但我想將私人生活同工作分開。(結咗婚都唔會公開?)私人嘢都想Keep private,但暫時冇諗呢方面。」

港男出身的Matthew,出道多年都依然Keep住Fit爆身材!(受訪者提供)

Matthew與圈外女友拍拖以來感情穩定,但他表示暫未有結婚計劃。(受訪者提供)

+36
+35
+34


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。