為演唱會肥底變鋼條 吳業坤體脂率激減至10%︰要撇除食嘢嘅慾望

撰文:李婉文
出版:更新:

吳業坤(坤哥)將於19/4在紅館開個唱《吳業坤小句號演唱會2019》,是繼2016年後,他第二次踏足紅館舞台。為了是次演唱會,他做足準備,除了練歌外,更向傳媒預告會大show肌肉。坤哥一向給人「宅宅地」的忠直斯文印象,今次不知道會給歌迷一個怎樣的驚喜呢?

早前,坤哥上載做gym相,做出高難度動作。(吳業坤IG圖片)

坤哥接受《香港01》訪問時,指自己用了9個月至1年的時間去操fit自己,特別是這半年來,都集中地進行training,果然準備十足。今次坤哥坦言希望給觀眾一個煥然一新的形象,所以近來秘密練兵。他自爆自己其實一直也是「肥仔底」,他搞笑地說︰「本身由小學六年級開始已經係『肥底』,因為嗰時嫲嫲成日每晚煮公仔麵俾我食。同埋我平時好鍾意飲啤酒,所以有好多好不良嘅脂肪儲存喺身體入面。」

2015年坤哥的身形明顯較現在腫脹。(資料圖片)

為了有一個更fit的身形,坤哥直言也下了不少苦功,但減肥增肌的方法也不外乎是運動配合飲食,他說︰「每日最好就係去做cardio啦,最好要抽時間做30分鐘。飲食方面我都有訂啲營養餐去食,佢係計晒啲卡路里,咁嗰度係好足夠嘅,都係高蛋白質同少澱粉質,同埋食多啲蔬果,但如果我運動量增加咗,咁就自己再去食嘢補充返啲體力,但都盡量係少油同鹽,我覺得飲食真係佔減肥過程嘅7成,秘訣就係,你身體需要幾多,就食幾多囉,首先係要撇除自己食嘢嘅慾望,淨返低嘅就係你生存需要嘅嘢(營養),要咁樣令自己清晰,同埋要有堅定嘅意志。」密集的訓練下,坤哥成功將體脂率從百份之二十幾跌至百份之十,體重就由180磅減到156磅,怒減二十多磅。

坤哥自去年開始「密謀」練大隻,不過他也自言減得其實算好慢,因為常常要拍劇,飲食和休息都不定時,令體重上上落落。(吳業坤IG圖片)
坤哥指邀請了組合MIRROR做個唱嘉賓,更一同練舞。(吳業坤IG圖片)

不過,坤哥指未能公布成績,要留待演唱會當日才能公開這個「秘密武器」,更揚然到時會「除衫」show成果,歌迷們就先期待一下吧!

點擊大圖睇更多坤哥嘅變大隻歷程︰

演唱會嘅坤哥,睇到小編個心撲撲跳

+24