黃淑儀過ViuTV夥拍ERROR 《吾淑吾食》玩完:監製話免珊姐尷尬!

撰文:
最後更新日期:

黃淑儀Gigi姐曾經是無綫的一線花旦,與汪明荃、李司棋齊名合稱「無綫三大花旦」,繼1983年開始息影後,於2000年再投身無綫「升呢」演媽媽角色至2019年。而在復出的接近20年間,Gigi姐又為無綫主持了多個飲食節目包括《吾湯吾水》、《住家廚神》以及《吾淑吾食》等,當中以《吾淑吾食》最受觀眾愛戴。可惜在2019年一月,Gigi姐以享受生活為由放棄與無綫續簽藝員合約,改為類近部頭約的合作模式以獲得更加的自由度,Gigi姐說:「原則上,我不想再簽長約。」一月底,她接受《香港01》訪問時,表示有意在2019年與無綫有合作開拍《吾淑吾食-多倫多篇》的計劃,惟近日,Gigi姐正與男團ERROR的肥仔、保錡合作,為ViuTV拍攝一輯全新的飲食節目。

新節目暫未有正式的名稱,製作團隊近日在台灣拍攝時遇上地震,幸好無人受傷,拍攝進度亦未受影響,Gigi姐說:「咁啱我哋去緊另一個地方途中,唔係咁覺,不過我哋所有人都好安全,多謝大家關心。」(受訪者提供)

轉戰ViuTV由舊同事促成

今次Gigi姐為ViuTV拍攝的飲食節目,其內容是到台著名的民宿交流烹飪心得:「佢哋用嗰啲原材料係好吸引我,學到好多嘢。同ViuTV呢班廿零歲嘅後生仔合作好開心,佢哋全部都好熱心,好積極,工作態度都好好。」不過其實Gigi姐這趟台灣之行已計劃多年,卻未能與TVB合作進行:「最初同我聯絡嘅係TVB一個舊同事,佢知我同無綫完咗約,問我有冇興趣幫ViuTV拍節目,咁其實呢邊合約比較自由啲,佢只係要求你呢段時間,拍完又去咩地方做嘢都得,冇撞期,無拍同樣類型嘅節目就可以。相反TVB個合約喺一月滿咗,唔知期間係高層又好,藝員管理嗰邊又好,一路都同我聯絡唔到,直到珊姐(余詠珊)同我講嘅時候,我就話佢知我已經同ViuTV傾咗會拍一個烹飪節目。」

節目拍攝先到宜蘭,現已轉移陣地至台中。(受訪者提供)

《吾淑吾食-多倫多篇》何去何從?

其實Gigi姐已完成拍攝的無綫劇集由楊明和高海寧主演的《婚姻合伙人》以及由黃智賢及陳煒主演的《好日子》仍未播放,早前亦表示有意與無綫以類似部頭合約的模式去開拍《吾淑吾食-多倫多篇》,如果Gigi姐能夠同時為兩間電視台工作,絕對是團結香港電視界的一大例子,可惜現實總不如理想,Gigi姐說:「佢(余詠珊)都話唔緊要,我哋都可以繼續做咁,我哋有見面亦有傾點做《吾淑吾食-多倫多篇》。但結果到最後我臨出發就收到無綫嗰邊嘅監製電話,佢話為免珊姐難做,或尷尬,《吾淑吾食-多倫多篇》而家就押後,或者係唔做。不過唔緊要啦,而家我就專心同ViuTV呢邊合作。」

Gigi姐而家身處台中為ViuTV拍攝一輯全新的飲食節目:

+5
+4
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。