【廉政行動2019】嫲嫲拍片大讚陳家樂好靚仔 :我冇迫佢講㗎

撰文:
最後更新日期:

陳家樂和陳瀅(Jeannie)今日(25/4)現身尖沙咀舉行的《廉政行動2019》劇集造勢活動。影帝鄭則仕(Kent哥)在劇中飾演一名前香港貪官,將與兩名ICAC調查員(陳家樂、陳瀅飾)展開角力,將會有連番激鬥劇情緊湊。Jeannie大讚Kent哥夠專業:「記得我哋圍讀嘅時候,佢好做足功課,佢好有意見,想呢近呢兩集點樣可以出到嚟嘅效果好震撼,喺我哋圍讀嘅時候,睇到Kent哥已經入晒落呢個角色到,見到佢做每樣嘢都咁有要求,自己都要學習。」

陳家樂和陳瀅今日出席《廉政行動2019》宣傳造勢活動。(陳順禎攝)

陳家樂近日為劇集《廉政行動2019》宣傳造勢,不惜出動嫲嫲拍片,並上在IG發文話:「我冇迫佢講㗎,你哋有冇睇呀。」片中家樂問嫲嫲有咩咁好睇?嫲嫲話:「好睇,睇你咁靚仔。」網民大讚嫲嫲好得兒。家樂笑言:「因為宜家播咗三集,咁啱呢三集我又唔喺香港,咁返嚟就同佢哋一齊去睇,咁所以我要問咗佢有冇睇咗先,如果佢睇咗就無謂迫佢陪我睇啦,咁佢就話有睇,睇我靚仔呀嘛,我冇迫佢㗎,我認真問佢㗎,哈哈。」

家樂大讚陳瀅為人勤力又轉數快,笑言演技就麻麻。(陳順禎攝)

+6
+5
+4


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。