【廉政行動2019】霸氣令陳家樂感壓力 鄭則仕:當紅小生點會怕我

撰文:
最後更新日期:

鄭則仕(Kent哥)今日(25/4)出席在尖沙咀舉行的《廉政行動2019》劇集造勢活動。Kent哥在劇中飾演一名香港前貪官,早前陳家樂表示Kent哥造型氣勢迫人,同場演戲甚有壓力。Kent哥笑言:「可能我哋首次合作,呢場戲係一場硬戲,可能形成緊張氣氛,咁所以大家都好似好緊張咁去演呢場戲,其實佢係當紅小生,又點會怕我呢,我已經係老人家冇乜威力,哈哈。」

Kent哥今日出席《廉政行動2019》造勢活動。(陳順禎攝)

早前有指Kent哥日漸消瘦變得蒼老,疾病纏身健康出現問題。Kent哥澄清表示:「因為之前拍攝電影飾演一名老人家,為咗呢個造型特別將頭髮漂染,因為漂染得多啲頭髮斷咗好多,嗰日我同老婆去街市買完嘢就被記者影到,就話我憔悴患病,之後啲朋友見到報導即刻問我有冇事,嗰個只不過係一個造型,宜家見我都冇嘢呀。」

Kent哥表示年紀開始大,特別注重健康飲食。(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。