Instagram屏蔽照片讚好數字? 馮盈盈反行其道:放多啲福利圖

撰文:
最後更新日期:

有消息指,Instagram有意隱藏所有照片和影像片段的公開讚好數字,即粉絲用戶將不再看得到自己Follow的「女神」的照片有多少Like。雖然,對一眾IG玩家們的影響可能微乎其微,但對「女神」或是K.O.L. 一眾要經常Post相呃Like的公眾人物來說,或多或少都會有影響。不過,2016年香港小姐,IG座擁近30萬追蹤者的馮盈盈接受《香港01》訪問時,卻表示對此改動毫不介意:「我反而會玩多啲。」

馮盈盈(FYY)表示,最近與好朋友一同去了泰國旅遊。至於男朋友「寶寶」呢?她說:「寶寶唔得閒吖。」(IG圖片)

馮盈盈(Crystal)說接受《香港01》訪問時說:「Post IG相都係想有啲嘢,或者生活上嘅嘢俾人見到,但係To Be Honest,對人都係市場上嘅一個Item,要跟返個Trend走。坦白講,Post相都會有限制,Post出嚟張相會有幾多Like呢,多唔多呢?可能有時啲嘢想Post出嚟分享,可能Post出嚟冇咁多Like,可能最後就會算唔Post,會卻步,但係如果冇咗呢個Like數,反而會更加自由自在。冇咗Like數,仲反而會Free咗,大家真係可以互動,純粹為咗溝通,而唔係為咗Like數,求學不是求分數吖嘛。」

馮盈盈(FYY)表示IG屏蔽照片讚好數之後,反而會Post比較多「福利圖」。(IG圖片)

Instagram取消Like數有影響? 江嘉敏:Post相唔係博有幾多Like

廣告收入又會否受影響而減少?FYY回答說:「客戶搵我合作,其實都唔係因為我啲Like數多,而係因為我IG個Profile係符合產品個Selling Point,同埋你睇我IG Like數都唔係特別多,我都冇買Like嘅,所以呃Like對我嚟講都唔係好緊要。冇咗Like數,其實成個人都輕鬆晒。」她表示如IG政策實行,反而會Post更多數量以及更多種類照片,是否即是會有更多「福利圖」?她回答:「譬如大家會期待嘅泳衣、浸溫泉或溫浴嘅相,喺我哋眼中其實都好冇安全感,會覺得有啲位未夠完美,驚會俾人挑剔,Like數唔夠多又會俾人攞嚟比較。如果冇咗Like數限制,就可以好自己咁分享俾大家睇。」

+18
+17
+16


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。