【杜汶澤程美段】「拖糧」係行規? TVB、ViuTV處理手法大不同

撰文:
最後更新日期:

程美段(Kiwi)早前指杜汶澤拖糧,事後杜汶澤不甘Kiwi首先向傳媒披露事件,繼而在網上反擊,更呼籲同業用對方前要三思,引起網友熱烈討論,最後杜汶澤發現錯在己方因而「跪低」,先在網台社交網站專頁發表道歉聲明,更在直播節目中五度鞠躬致歉,而程美段亦大方原諒對方。

雖然事件已經告一段落,但卻引起人們對娛樂圈「行規」的關注,因為不少人在討論當中指出演員通常要等一段頗長的時間,才可以得到應有收入,但實情又是不是這樣?

杜汶澤日前五度向程美段鞠躬道歉。(Facebook)

讓我們看看全港最大電視台──無綫電視(TVB)的情況,相關討論都指藝人要待劇集播出即將播出時才能夠收到酬勞,但其實近這一年TVB已經更改以往慣例,劇集拍攝完畢後便會為藝人估算「Show錢」並計落下個月人工,到劇集播出時才補回估少的差額。港男冠軍出身的黎振燁(Jackson)接受《香港01》訪問時便指公司出糧時間非常準:「我2016年返嚟TVB到而家都係每個月準時出糧,包括『Show錢』。」

黎振燁的人工是直接入落他老婆的戶口。(Instagram)

那麼接其他工作,例如商演,情況又是怎麼樣?不少TVB藝人、經理人都坦言自己不太清楚,港姐冠軍出身的麥明詩(Louisa)受訪時說:「我都唔係好知幾時收到商演筆錢,但最終啲錢都會落到袋嘅。」而上位小花江嘉敏(Kaman)則說:「TVB咁大間公司都唔會走數嘅!」

基本上,商演完成後,主辦單位便會一炮過將藝人酬勞交給TVB,而TVB會計部便會扣除一些項目後,將分成入落藝人的銀行戶口,而整個過程都需要一段時間,可能比起計「Show錢」耐一些。

麥明詩不但拍過不少劇集,更有為《後生仔傾吓偈》擔任主持,相信「Show錢」都有唔少。(Instagram)

當然,TVB裏面不只經理人合約、基本合約的藝員,還有一些寂寂無名的臨時演員。有臨時演員判頭透露,TVB大約個半月至兩個月向他交一筆大數,讓判頭支付演員的人工:「有時三個月先出,唔得閒、心情唔靚、放假就慢啲,唔玩你、唔挑剔你就快啲。(臨時演員幾時有錢落袋?)即日出糧!都有長工係每半個月或者每個月出一次。不過,曾經有兩個判頭嘅做法係『出飛仔』,要集滿五張『飛仔』到第六張先畀返第一張『飛仔』嘅人工。」

至於ViuTV就快手好多,另一位臨時演員判頭說:「Crew就即日清,演員就月結,都係七日內,亦都有By Project咁計。不過通常我哋成日都有十幾廿萬現金喺身,有咩事都可以即Pay嘛,因為有啲散工做一兩日,我哋即刻畀佢。」

談到出糧,江嘉敏笑稱自己每一次收到人工後都要立即交租交家用,加上平時食飯、入油,未到月尾已經所剩無幾。(Instagram)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。