特約內容
與關禮傑拍床戲撞正月事到 陳嘉桓：得條大毛巾包住身體！
撰文：吳子生
出版：更新：
陳嘉桓（Rose）昨晚（20/5）出席電影《婚姻的童話？》煞科晚宴。戲中偷食人夫關禮傑的她，原來有大膽性感演出：「喺戲裏面我係着得比較少衫，有一場床上戲，我只有一條大毛巾包住個身體，咁啱拍嗰日撞正我月事到，身體比較虛弱又怕凍，而且又怕個人會腫賬，所以不停咁飲熱水，一唔使埋位就匿埋喺被窩裏面保暖。」
電影《婚姻的童話？》一眾演員出席煞科晚宴。（陳志嵐攝）
Rose透露關禮傑要赤裸上身拍床戲，心情比她還要緊張：「傑哥佢見我着得咁少布，佢仲問導演自己使唔使着返件浴袍，導演話唔使，佢仲要喺拍之前，係咁做掌上壓減壓，不過師傅（冼國林）就成日笑我，話我喺觀眾心目中成日都係露心口，不過佢就話今次可以騷下我條43吋長腿喎。」
陳嘉桓笑言520節日，香港人不應該慶祝，認為用廣東話發音會講成「唔愛你」。（陳志嵐攝）
陳嘉桓表示今日520節日，沒有收到男仔向她表白愛意。（陳志嵐攝）