【齊惜福社區廚房】王敏德以身作則做義工︰公公婆婆認得我好開心

撰文:
最後更新日期:

王敏德(Michael)今日(24日)以義工身份出席齊惜福社區廚房慈善活動,派飯予社區的公公婆婆,Michael說:「我覺得齊惜福嘅工作好有意義,好開心可以幫到有需要嘅人、派多啲飯餸畀佢哋,最緊要係見到公公婆婆都開心,我哋要多啲關心佢哋。同埋齊惜福收集可食用剩餘食材再烹調成飯盒,都係一個環境保護嘅方式。」

王敏德今日到齊惜福社區廚房做義工,派飯餸予公公婆婆。(葉志明攝)

王敏德身體力行支持慈善活動,他希望能為社會出一分力:「應該做多啲慈善,我都希望多啲朋友聯絡我、約埋我幫手。」身為三個孩子爸爸的Michael又希望以身作則,與孩子一起做慈善:「對社會有幫助係好緊要,每一個Generation都有責任去幫助弱勢社群。」另外Michael亦十分留意環保議題:「政策好重要,每個國家、城市、社區都需要被教育,先可以做到可持續發展;好似我老婆去Shopping有好多包裝,當700萬人都累積呢啲包裝就形成一個問題,我玩直升機見到我哋嘅堆填區已經係飽和狀態,所以應該有多啲呢類型嘅活動。」

Michael不單支持慈善活動,還關注環保議題。(葉志明攝)

Michael又對活動期間公公婆婆認出他而感到高興:「婆婆認得我話:『係鬼佬啊!』見到佢地笑得咁開心,我都好開心。」他又透露將回歸小熒幕,日前與苗僑偉、黃宗澤完成了電視劇《飛虎之雷霆極戰》的拍攝:「角色上同前幾集都幾相似,但今次有多啲機會揸直升機,因為我做一個飛虎機師。」

【齊惜福】齊惜福飯盒贊助:每 $12 = 剩食轉化為 1頓熱飯予長者及基層
https://heart.hk01.com/zh/project/10128



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。