張繼聰同女兒傾電話慘食檸檬︰佢每晚最期待嘅,係收我線

撰文:李婉文
出版:更新:

張繼聰出名是好老公﹑好爸爸,但原來他也是「有苦自己知」!說的就是他在周一晚(3日)在社交平台上載了一張跟女兒張靖Karina(KaKaBall)視像通話的截圖,以為是好sweet,點知他就大吐苦水。

張繼聰話女女想收佢線,好慘啊!(Instagram@louischeung2013)

張繼聰在IG貼了一張疑似女女KaKaBall睡在地上跟他用電話視像通話的相,右上角有他的樣子。發文寫道︰「離家工作點可能唔掛住屋企啊,最期待每晩係臨瞓前,同佢視像,傾吓偈,咁做嘢就算幾辛苦都頂得住。」點知女女最期待的就是按紅色的收線掣,他更叫大家記得要孝順父母,「多啲同父母講電話」,看來他今次真的大受打擊!此帖一出,竟然引來不少為人父﹑人母的網民留言,連商台DJ朱薰都說︰「我個仔以前都係咁!苦主上」張繼聰也補一句︰「呢度變咗『苦主大聯盟』。」

估唔到張繼聰咁大隻咁型都會食檸檬畀女仔拒絕啊,講緊嘅係佢女女KaKaBall啊!(Instagram@louischeung2013)

其實張繼聰出名錫屋企人,女女KaKaBall更加是他的「前世情人」,當時女兒還是牙牙學語的時候,第一次叫他「爸爸」,他都開心到暈,情人節﹑「520」的日子,他都上載同女兒的合照,仲話她是自己的「心肝椗」。今次竟然慘遭女女拒絕,相信他都深深體會到「做人父母甚艱難」!

佢哋一家四口一向都係圈中嘅模範家庭。(Instagram@louischeung2013)

點擊下圖睇吓更多張繼聰同KaKaBall嘅相︰

+5