【端午節】愛囡送親手製「愛心糉」 郭富城:從來都冇諗過嘅畫面

撰文:
最後更新日期:

郭富城(Aaron)今日(6/6)現身油麻地出席《第十三屆鮮浪潮國際短片節》活動。提到香港電影業長遠發展目標應如何,Aaron坦言應該與新進導演合作:「其實係過去呢十幾年都有同新導演合作,拍過無數嘅電影,好似翁子光導演佢完成咗佢嘅夢想電影《踏血尋梅》,反過來令我得到最佳男主角獎項,當你諗住幫新導演嘅時候,可能最後佢幫返你。」

郭富城今日出席《第十三屆鮮浪潮國際短片節》活動。(梁碧玲攝)

早前郭富城為慶祝「六一國際兒童節」,一家三口手拖手行公園,並將照片上載到社交平台大晒幸福,更罕有首晒大女側面。Aaron表示:「個日咁啱我係香港唔使做嘢,我就帶咗太太同小朋友去咗海洋公園玩,太太覺得係一件好值得記念嘅日子,而小朋友張相又唔係正面相,對我來講分享快樂是理所當然嘅事。」

瑞午節就快到,Aaron收到囡囡親手做「愛心糉」,份外高興。(梁碧玲攝)

明天是一年一度的瑞午節日,Aaron透露收到大女兒親手做的「愛心糭」面露喜悅話:「平時工作以外家庭嘅事都好少同大家分享,自己除了是演員歌手之外,亦是一名爸爸,第一次收到自己個囡囡,親手做嘅糉,呢一個係自己從來都未諗過嘅畫面,雖然隻糉是用來裝飾,但收到真係好開心。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。