【大醬園】龔嘉欣疑遭懶蟲連累 捱到再度入院:有苦自己知

撰文:
最後更新日期:

正忙於拍攝民初劇《大醬園》的龔嘉欣在IG發文稱自己因連續出現耳水不平衡的情況,更多次嘔吐而在昨晚(28日)再次入院,情況令人擔憂!但就有劇組人員爆料實情是有演員經常請假,連累龔嘉欣要捱義氣連續開廠,最後體力不支,病情加劇!龔嘉欣今午極速出院,更現身TVB準備繼續為劇集開工,並交代自己的身體狀況。

明顯消瘦不少的龔嘉欣就講道:「我噚晚收凌晨3點,之後即刻去醫院,今朝再出院。其實醫生唔建議咁早出院,但我冇辦法,工作已經排晒,如果我唔做影響嘅人好多,咁我覺得頂到咪繼續頂。(噚晚又暈又嘔?)係呀,直情似有咗咁。拍嘅時候我都好驚嘔落張地毯度,係咁同自己講唔可以嘔落張地毯度,如果唔係連唔到戲。一收工,真係飲啖水都嘔,少芸(郭少芸)都好好,有買杯熱檸蜜畀我,龔姐(龔慈恩)都有打畀我問我點。」

嘉欣稱不用擔心,好快拍完!(IG圖片/@kungkaty)

日期: 28/7/2019 活動: MCP One『走進名偵探柯南的推理世界』柯南偵探團破案大派對 嘉賓: 龑嘉欣、周嘉洛。 時間: 15:00 - 16:00 地點: 將軍澳運亨路1號MCP One地下大堂(黃欣華攝)

更多最新照片!

+5
+5
+5

近年龔嘉欣拍劇拍到搞到周身傷,但她就從來沒有冧廠:「我都幾捱得嘅,好似從來都冇試過唔返工,因為我盡量都唔想影響個製作,但有苦自己知。(會唔會想休息?)拍完呢兩個禮拜會休息呀,暫時唔拍劇住,休息幾個月,因為本來身體已經唔好。(但上緊位,怕唔怕有影響?)幾個月啫,但其實後面都有接咗啲工作,係呢幾個月啫。(暫時停工?)幾個月啫,唔好講到我以後都唔返。」

大熱天時拍民初劇的確好辛苦!(IG圖片/@kungkaty)

點撃下圖睇更多劇照!

+6
+6
+6

雖然身體不適,但龔嘉欣繼續頂硬上,到今早出院才告知監製情況。至於問到有傳劇組有演員疑似拍得太辛苦經常請假,但龔嘉欣就表示所有演員都相處得好好。

成班都好FD!(IG圖片/@kungkaty)

點撃下圖睇更多嘉欣靚相!

+4
+4
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。