【大醬園】吳業坤細個睇康華做戲 合作即演母子：又多咗個阿媽
撰文：吳子生
出版：更新：
吳業坤今晚（17/6）現身將軍澳電視城出席《2019勁歌金曲優秀選第一回》，坤哥入選兩首歌曲有《小句號》及《和懷念講再見》，Big Big Channel會同時獨家直播結果，為歌迷揭曉22首得獎歌曲。坤哥表示：「今晚有兩首歌曲入選，真係好開心，因為上半年到呢一刻都冇停過，冇好好接收屬於自己嘅資訊，咁今日啱啱完咗拍外景，就即刻趕過嚟出席呢個活動，有冇獎攞都係其次，最梗要繼續屬於樂壇一份子。」
坤哥有信心今晚會奪獎。（梁碧玲攝）
坤哥近來忙拍無綫劇集《大醬園》，更大讚康華夠可愛：「因為經常都會與佢有好多對手戲，喺戲裡面佢做我阿媽，有時候又會諗，細個嘅時候睇過嘅一啲人物，大過之後竟然會做我媽媽，大家又傾到偈喎，覺得又幾有趣嘅一件事嚟，咁所以又多咗個阿媽。」
坤哥透露上月發生交意外，私家車車尾損壞仍未有時間維修。（梁碧玲攝）
吳業坤考慮買新車喎。（梁碧玲攝）