網民指梅姐見到今日嘅譚詠麟一定失望 何韻詩:我相信佢無期望過

撰文:黃梓恒
出版:更新:

日前,立法會議員何君堯在金鐘添馬公園發起支持警察執法的集會,多名藝人站台支持,其中包括有校長之稱的譚詠麟,他在台上說:「警察哥哥,你哋辛苦晒。我唔識用粗口講,但係我可以用我哋言語表達,就係,如果再咁落去,香港係冇得救。因為執法人員咁樣俾人攻擊,全世界都未見過。如果大家去過世界各地,睇睇其他國家嘅暴動,係真真正正示威嗰啲俾人扑頭。嗰啲唔好再講,太血腥啦。只能夠講一樣嘢,希望我哋家和萬事興,好冇?我哋繼續支持警察!再咁搞落去呢,冇人可以管治到香港,唯有請一個人出嚟,我話嘅!就係叮噹,同埋大雄,攞個法寶袋出嚟,唯有係咁㗎啫。」

譚詠麟、鍾鎮濤冒雨出席集會,兼上台發言。(影片截圖)

譚詠麟站台發言後,立即在網上出現不少討論聲音,明哥黃耀明在接受傳媒訪問時更直言譚詠麟口中的「不想談政治」是自欺欺人:「不想談政治?當你踏進這個公園,踏上這個舞台就已經非常政治,何況你不談政治,政治會找上門,所以不要掩耳盜鈴,自欺欺人。」這段明哥的說話在何韻詩的facebook上被引用,而阿詩亦接棒說下去:「明仔好嘢!!老實講,我其實一直都對所謂「同行」所謂「前輩」比較忍讓,始終都叫做同一個界別,就算點俾記者問,點嬲都好,都盡量唔想點名批評。但原來荒謬只會更荒謬,墮落原來可以如此沒有盡頭,唔可以出聲支持嘅,有苦衷嘅,算,我可以諒解。但要走上台聲援再向弱者踩多幾腳嘅呢啲,絕對不能容忍。一個二個雙重標準,什麼「不談政治」?當年無利益衝突就高調支持北京學生,去跑馬地表現悲壯;過咗三十年時勢唔同喇,而家你地自己屋企有事啊,要你地支持學生就懶高尚「不談政治」,極權要你地低頭就乖乖站台?一知半解、睇咗幾條片就覺得掌握真相嘅人,你地無資格批評我地嘅年輕人。你地催眠到自己,都說服唔到真正嘅香港人。」

何韻詩於Facebook力撐明哥黃耀明。(Facebook@何韻詩)

何韻詩在點名批評前輩,意猶未盡,繼續在facebook出文:「不如趁三十週年,搵人搞個「2019民主歌聲獻中華」啦,不過要加返個「媚」字,話唔定可以99.9%full cast完美重演,正啊!#獻媚獻上腦 #明仔死心啦一定無你份啊」不少粉絲讚好兼留言,有網民指:「梅姐見到今日嘅麟伯,一定好失望」而作為梅姐梅艷芳的徒女,阿詩回覆該留言指:「我相信佢無期望過。」

何韻詩直指相信梅姐冇對譚詠麟有期望。(facebook@何韻詩)

其後,亦有一位網民留言指:「梅姐如果在,一定對住Alan Tam(編按:譚詠麟)講:耻與為伍!」這個留言下,再有網民留言說:「anita(編按:梅姐英文名)當年養果三隻狗無改錯名」相信讀者們未必知道梅姐當年三隻狗的名字,她而自己的好友為心愛的狗狗命名,分別是:Eric、倫伯和阿叻。阿詩亦有回覆此留言:「直情係先知」

何韻詩為自己侮辱了狗而道歉。(facebook@何韻詩)
何韻詩是梅姐梅艷芳的徒弟。(視覺中國)
+5