陳法拉首以人妻身份出活動 大談生B大計:怕十年後就生唔出

撰文:
最後更新日期:

陳法拉今年5月與拍拖3年的法籍男友Emmanuel Straschnov,於法國巴黎舉行婚禮,兩人在雙方父母及一眾親友見證下,並正式成為夫妻。今日(5/7)是法拉婚後出席香港首個公開場合,她表示:「好開心可以同大家見面,剛完成婚禮個感覺好似如釋重負,亦好出乎意料之外,咁多親友咁遠嚟到祝賀我哋,我真係好感動。」

陳法拉婚後出席香港首個公開活動。(劉智源攝)

記者問兩人會否盡快造人,法拉即笑說:「咁又唔會,咁啱美劇又拍完,咁所以想同佢兩個人周圍去下旅行,享受一下二人世界先。(十年後先生B?)如果十年後就生唔出啦!哈哈!一切都順其自然啦,起碼今年自己有時間,可以去下遠啲嘅地方旅行。」

提到不少網民大讚法拉老公靚仔,應該去無綫(TVB)拍劇,法拉笑說:「哈哈,唔好畀佢聽到,佢會好開心㗎,佢本身唔識講廣東話,佢只係識講國語,佢都有外國人口音㗎,所以要訓練下先。」



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。